Dhekaraya 3:4 - Wëël Jwøk

⁴ 'Ba nyïïatwiel maal aköö jï jiy moa näk cuŋŋö nyïme, na «Abïïk Jøcua moø no okïl ki cïlö yøø, kälu wøk dëëre!» Køøre ena köö jï Jøcua, ni «Raŋï, aani raay moï apaanya bäätï; 'ba dëërï orunynya ka abïïe mo beyø.»

Dhekaraya 3:4 Iomraidhean Croise

2 Camiel 12:13

Køøre Deebit aköö jï Nathan, ni «Aana nø bääyö dëër Wuuö Jwøk møn.» 'Ba Nathan aköö jï Deebit, ni «Wuuö Jwøk thuwø bääyö marï anø wëënne. Ïïni, ï ba thøw.

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Jeremaya 52:33

'Ba Jöakin abïïe moa en dëëre øt twöc awiile, ni bëëde ni cämö buut nyeya cooth ki yïth nïr kwøw moe bëët,

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 42:14

Kany wø näk dïlämme geno døny kaagø ni en kur keere enø, ge ba duu wøk ŋää kal na abïïk tïïc moge kärge wii yi øtø, kiper abïïe moøgø ena kur keerge. Geni, abïïe moa näk moge dwøga dëëtge; køøre nø, ge ööa wøk baŋ jiy.»

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Mikiya 7:19

Ïïni mëër marï wø nyoothï nyoodhø jïwa, ni nyøønï raay mowa piny, ni ö gïïa bacwa bëët ni leeŋï geni yi kut yi naama dwøŋ.

Dhekaraya 3:1

Køøre Wuuö Jwøk Jøcua na näk Kwääy Lam Mana Dwøŋ anyoodhe jïra ni cuŋŋö nyïm nyïïatwiel maal, ni Ceethan cuŋŋö jï løø bäät cer cwïïe, ni kïtha bäät gø ki luup mo reyø.

Dhekaraya 3:7

ni «Man beeye luumma caan Wuuö Jwøki, eni na wïth jammi bëët, ena köö, ni ‹Ni näk miï cäädhö ki uutjïëthe 'moa, ni tïïyï tïïe 'moa, øt lam mara ki yïth käälle moe bëët cïba cerï, ni raŋŋï jammi mo wø tïïc yie bëët; ni jaba jöö jïrï ki man cuŋŋï nyïma kaamar jøøi ni cuŋŋi kany ii.

Dhekaraya 3:9

Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Mathiew 22:11

«'Ba kanya ö nyeya kuna neen wëëlle, ena jïtö ki dhaanhø mør kaace mo dëëre bäŋ abïï nywöm.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Luk 15:22

'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Köløcia 3:10

ni tïmu ni uuna jiy mo nyärö, ni wø kïtu caal kït ŋata cwääc uuni, nou døøc mo nyärö ki køør man ŋäyu eni.

Ibaru 8:12

Kiper gïïa baacge wiia wiiø, ni ba para wïïa ki raay moge këët.»

Mana Nyooth 5:11

Kanyøgø aana nëënnö, ni wïnynya dööt nyïïatwiet maal mo thööth døc døc, mo jïtö ki kume ma kume mo ena deŋ wälu bäre, ki deŋ gïïa kwøw, ki deŋ jaae,

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.