Dhekaraya 2:9 - Wëël Jwøk

⁹ Ka adïëri møn, cera puta ka tïŋ maal bäätge ni jääla ge, ni ö jøøa näk ege caarø ni twierge ge. Køøre nø, putge ka ŋäc ni bee Wuuö Jwøk, eni na wïth jammi bëët, na jääŋ aani.

Dhekaraya 2:9 Iomraidhean Croise

Aydheea 10:32

'Ba dïcäŋi kiree nyimän apïï Nöp, ni tuuŋ cere ni mare ŋwøc kiper gïno tïïe dëët jø Kïn Dhayan ni beeye Kïn Jerucalem.

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 13:2

«Tïŋŋu maal ki ŋïï mar leny bäät kïnna näk bäŋ gïrpiny bääte, ni tïŋu döötu maal nee wïny jø lenynyi, ni tuuŋŋu ceŋŋu na nyuudhi nee jø leny dønyge ki dhøk uudi mo jøøa kwörge døøŋŋø.

Aydheea 14:2

Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 19:16

'Ba dïcäŋeca, jø Ijep otïmö kaamar mään; dëëtge otïmö ni kwanynyi ki lwär kanyo ö Wuuö Jwøki, eni na wïth jammi bëët, noo tuuŋ cere bäätge.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 33:21

'Ba kar kaaca, Wuuö Jwøk otïmö ni bee teek marwa ni tïme kaamar kany mo da näm, ki nyeŋ näm mo okønynyø ni døøŋŋø, ni bäŋ ŋat mo cør yïthge ki jää leny man wø kiiw ko opääli, ni bäŋ jïëth leny mo teek mo pöödhi ki yïthge.

Aydheea 33:23

Thøøli mo wø tïïc jääy nee cäädhe, nilwak, ni ö abïïna no otwöö wï ogeella ni ba peer ree. Køøre, japa thööth na näk jap twëër opääŋŋi, ni këël ŋwøl jïtö rege.

Aydheea 4:5

Køøre Wuuö Jwøk pöölö mo näga jïrö wëëge nirwöc ki dïcäŋ bäät Kïn Dhayan bäre ki jiy moa näk rege ege cooŋ bääte, ni ö tarri mar leep maac ni wëëk gø rieny bäät gø ki wäär; ni ö ajiem mana en bäät Dhayan bäre ni bëëde no ouumö ki gïn mo caala rëëbi.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 28:9

'Ba nyikuŋ Jwøk mo køpa gïr bëët-mëër, kanyo tïm luumma købe noo thur kare, put ka ŋäc ni nyikuŋ Jwøk manøgø jääŋŋa Wuuö Jwøki møn.»

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Edhikiel 39:10

Geno put bëëte ni bäŋ ŋat ci paap këët kuna mööte ki jenni, wala ŋøta jenni, kiper jap leny tïmö na jer maac jïge. Geni thuwø jap jøøa twier geni otwierge. Luummögø caana aani, a na Kwäärö Wuuö Jwøk.

Jool 2:27

Kanyøgø putu ka ŋäc naa ena dïïu, u jø Icriel, ni aana Wuuö Jwøk, Jwøk maru, ni bäŋ mør këët, ni u na jiya, wïthu ba lääy këët.

Abakuk 2:17

Kiper gïna raac na tïïyï dëër lur Libaanø di coolø dëërï, ki mana raanynyï lääy ni wëëgï ge lwär, kiper mana kønynyï rem jiy piny, ni tïïï ki gïï mo leth yi ŋöömö, ki yïth päänye, ki dëët jiy moa bëëdö yïthge.

Abakuk 2:8

Uuni kiper mana twierru wïth juurre mo thööth, wïth jiy bëët moo dööŋ ni kwøw u twierge twierø, kiper uuni rem jiy akønynyu piny, ni tïïu ki gïï mo leth yi ŋöömö, ki yïth päänye, ki dëët jiy moa bëëdö yïthge.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Dhekaraya 4:9

ni «Ceŋ mo Dherubabel tier Øt Jwøk man na nø tääe en ki tïïc, oput thöör. Køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 6:15

'Ba jøøa kwörge bäyö geno ööi ni kønyge uuni ki geer øtø mar Wuuö Jwøk; køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu. Gïnögø otägi ni näk dwør Wuuö Jwøk, Jwøk maru, leŋu leŋø.»

Dhekaraya 9:15

Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Jøøn 13:19

'Ba a caana gïn jïïu kawaane, kany poode ni poot kär tägö, kiper kanyo täge nee u jïëyu ni beeye aani na Eni.

Jøøn 16:4

'Ba luup moi bëët acaana jïïu, kiper kanyo täk gïnögø, nee wïthu parru, ni gïïögøøni yaa kwøŋ caan jïïu. «'Ba dïkwøŋ luummögøøni kära kwøŋ caan jïïu, kiper na pooda naa ena buutu.