Dhekaraya 2:11 - Wëël Jwøk

¹¹ 'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 2:11 Iomraidhean Croise

Bwøth Wøk 12:49

Ni beeye ciik aciel bäre kiper o thwønh paac ki wëëllö mo path mo bëëdö dïïu.»

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 50:8

«Uuni, u reŋŋa wøk dï Babiløn, ni weyu ŋöömmögø mar jø Kaldia; ni bwödhu maal kaamar nyöök atëëe ni wø kwøŋ bwödhö nyïm dïëk.

Edhikiel 33:33

'Ba luup moøgø bëët kanyo thurge karge, kiper thura karge møn, ŋäcge ŋääö nø ni da nyikuŋ Jwøk mo bëëdö dïge.»

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 2:5

'Ba aani ki dëëra, a na Wuuö Jwøk, aano tïmö kaamar kiir jïre mo bëëdö ni caala maac deŋŋe, ni tïma ni aana ajiem mano en yie.›

Dhekaraya 3:10

Wuuö Jwøk, eni na wïth jammi bëët, aköö, ni «Dïcäŋöca, ŋati man nø dëëtu watge cwøle cwølø ki met ec ni pïge piny ki gø tier jaath omøk mare ki tier olaam mare.»

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Moa Tïïc Nyïïatwieli 28:28

«Kiper manøgø nø, wär ŋäyu nø, ni luum pïëm man piem jiy ki gø man en, na öö ki baŋ Jwøk, awëëk kïth baŋ juurre. Kiper geni ïthge cekge ciiø.» [

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»