Dhekaraya 14:7 - Wëël Jwøk

⁷ kiper otïmö na cäŋ mo ena kur keere mo ŋäya Wuuö Jwøki, ni beeye cäŋ mo patha dïcäŋ wala wäär. 'Ba noo tïme na ŋec wëëlle, tar otïmö ni dagø.

Dhekaraya 14:7 Iomraidhean Croise

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Aydheea 58:10

ni näk mo dëëtu you cïbö jï jøøa no onäk käci ki man mooyu geni ki cam, ni wëëgu jøøa näk ocaannø jääŋö kaawat man wø manyge, tar maru orieny yi muudhö, ni ö wäärri ni tïme kaamar dïcäŋ jïïu.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Mathiew 24:36

«'Ba dïcäŋöca ki yi caannøca, bäŋ ŋat ŋäc gø, këël nyïïatwiet maal wala Wäädö. 'Ba beeye Wuuö keere.

Maak 13:32

«'Ba dïcäŋöca wala caannøca, bäŋ ŋat ŋäc gø, këël nyïïatwiet maal wala Wäädö. 'Ba beeye Wuuö keere.

Moa Tïïc Nyïïatwieli 1:7

'Ba ena köö jïge, ni «Paa kare kiperu ki man ŋäyu nïne ki kwöra wäŋŋi na caan Jwøki ki teege.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

1 Thecalönika 5:2

Kiper uuni ki dëëtu, ŋäyu døøc, ni Cäŋ Kwäärö öö kaamar kuu ni wø ööi ki wäär.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 21:25

'Ba dhøge bëëdö ni ŋaam ki dïcäŋ cooth, ni bäŋ wäär kaace.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.