Dhekaraya 14:5 - Wëël Jwøk

⁵ 'Ba uuno reŋi ki ya aleny kïdi mana tïïe, kiper aleny kïdi mana tïïe okëët ŋööm Adhel. Uuno reŋi kaawat mana reŋu ki dïjäŋ piny mana tägö ri nïr Udhaya, nyeny Juuda. Køøre Wuuö Jwøk, Jwøk mara, eno ööi ki nyïïatwiet maal bëët na en kur keerge.

Dhekaraya 14:5 Iomraidhean Croise

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Jool 3:11

U na wïth juurre bëët moa kwöru cärö, läädu ni laaru öö, ni cooŋŋu dëëtu kanya ciel yi gool kaace. Wui Wuuö Jwøk, jø leny moï na teek wär put jääŋŋö piny.

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Mikiya 1:11

U ni wø bëëdö Capir, uuno mak ki tøŋ ni käl uuni nou cäädhi ka dëëtu ni bëët wïthu ni laay. Ni u ni wø bëëdö Dhaanan, u ba bøth. Jø Bëëth-Idhel geno bëëdö ni ge kïmmö, ni ba jïtu ki køny baŋge.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Kwään Jiy 16:34

Ni ö jø Icrielli bëët moa en buutge ni bwøkge ko oduuru mana gøøcge, ni köge, ni «Reeŋø kiper nee ø ba mwøny ŋøømmi thuwø.»

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 24:3

'Ba kanya ö Jecu na pï piny bäät Kïn Ølip, bääge aö baŋe kur keerge, ni köge, ni «?Caanï jïwa, a wäne noo täk gïïögø, na agïnaŋø noo näk ŋïï mar öönynyï ki mar kanyo cuŋ pinynyi yie?»

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Luk 21:27

'Ba kanyøgønø, Wär Dhaanhø ojootge ni öö ki yi pöölö, ki teek ka ajiem mo dwøŋ.

Tiet Ciik 33:2

ni «Wuuö Jwøk aöö ki yi Caynay, ni ööe ki yi Cëër kaamar cäŋ mo tuulö, ni rienye ki bäät Kïn Paran; ni ööi ki dï nyïïatwiet maal ma kume apaar; ni cere mana en bäät cwïïe da ciik mo liel kaamar maac kiper jø Icriel.

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

Jeemeth 5:8

'Ba uuni thuwø cïbu cwïnynyu piny, ni maau cwïnynyu kanya ciel, kiper ööny Kwäärö kare acäännö.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.