Dhekaraya 14:4 - Wëël Jwøk

⁴ Dïcäŋöca Wuuö Jwøk tiere okëël bäät Kïn Ølip ki jï løø kur tuul-cäŋ ki Jerucalem, ni ö Kïn Ølip ni kaae ki dïëre ni tägi ka jï løø kur tuul-cäŋ këël jï løø kur pänh-cäŋ, ni put dïëre tïmö na waŋ aleya mo dwøŋ, ni jööt thääŋ kïdi maya jï løø wï-piny, ni ö thääŋŋe maya ni jööt jï løø tier-piny.

Dhekaraya 14:4 Iomraidhean Croise

2 Camiel 15:30

'Ba Deebit aput aay ni cør jöör Kïn Ølip, ni cäädhi ni jwöŋö, ni wïïe ee loobø, ni cäädhi ka thäny tiete jaak. Køøre jiy bëët moa cäädhö ki eni, ŋati man nø wïïe aput loop, ni cääthge ni ge jwöŋö.

Edhikiel 11:23

'Ba ajiem Wuuö Jwøk aput ö maal ki dï pääny ni put cuŋŋö bäät kïdi na en jï løø kur tuul-cäŋ ki pääny.

Edhikiel 38:20

'Ba rec mo naama dwøŋ, ki wec maal, ki lääc paap, ki gïïa no ocwääö bëët ni wø muuli ki piny, ki jiy bëët moa en wï ŋöömö, dëëtge otïmö ni kwanynyi nyïma. Kïte rege ojaalge, ni ö aleye ni ŋaarge, ni ö kiiri ni pänhge piny yïth ŋøøm.

Edhikiel 43:2

ni puta ajiem Jwø Icriel neen ni öö ki jï løø kur tuul-cäŋ. 'Ba dwøl mare lwör kaamar pïï mo thööth, ni wëëk piny rieny ka ajiem mare.

Abakuk 3:6

Ena cuŋŋö ni ree ee jiiø ni nëëk piny, ni räŋŋe ni jäŋ wïth juurre, ni ö kïte na käl piny cøøn ni øcge piny, ni ö thuuri na nut cøøn ni nigemwøny piny. Eni uutjïëth tïïe moe nut ki mana cääŋŋe.

Dhekaraya 14:10

'Ba ŋööm paac bäre, ki mano täge Gëba këël Rimön na en jï løø tier-piny ki Jerucalem, otïmö ni ree päärö kaamar ŋööm Araba. 'Ba Jerucalem otïmö ni raŋa maal ni bëëdö kare, ki mano täge ki dhi kiir Benjamen këël buut dhi kiir mana dïkwøŋ na en jï løø dhi kiir mana en gøøt kiir, ki mano cäŋ tägö ki Øt Koor Mar Ananel këël kany wø nywøp køøŋ nyeya yie.

Dhekaraya 14:7

kiper otïmö na cäŋ mo ena kur keere mo ŋäya Wuuö Jwøki, ni beeye cäŋ mo patha dïcäŋ wala wäär. 'Ba noo tïme na ŋec wëëlle, tar otïmö ni dagø.

Dhekaraya 14:8

'Ba dïcäŋöca pï kwøw okwön wøk ki yi Jerucalem, ni ö thääŋö mar pïïögø ni jööt yi naama dwøŋ jï løø kur tuul-cäŋ, ni ö thääŋŋe maya ni jööt yi naama dwøŋ na en jï løø kur pänh-cäŋ; ni manøgø tägi ka yi cwiir ki öörö bäre.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Maak 11:23

Adïëri møn a caana gø jïïu, ŋato wäro cäänni ki kïti, ni ‹Tïŋ riï ni leeŋï riï yi naama dwøŋ›, ni cwïnye bäŋ ataa, 'ba ojïëy ni ŋäädhe ni gïna caane thura kare, di tïïö jïre.