Dhekaraya 14:3 - Wëël Jwøk

³ 'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Dhekaraya 14:3 Iomraidhean Croise

2 Luup Nyeye 20:15

Ni kö Jadhiëlli, ni «U bëët, u na jø Juuda ki jø wø bëëdö yi Jerucalem, ki nyeya ma Jøcapat, cegu ïthu! Mana caan Wuuö Jwøki beeye en, ena köö jïïu, ni ‹Käru lwäyö ni ba bwøk cwïnynyu kiper lwaak man ni päl en; kiper patha u noo këëdi, 'ba beeye Jwøk noo këëdi kiperu.

Neemiya 4:14

'Ba kanya nø raŋa bëëtö, aana ö maal ni cääna ki jøøa kwörge døøŋŋø ki jø kööre, ki jiy møga bëët, ni kööa, ni «Käru lwäyö ki geni, 'ba bëëdu nou lääŋŋa Kwäärö Wuuö Jwøk, eni na dwøŋ ni wø kwany dëëlli ki eni, ni këëdu kiper jø pou, kiper wäätu, ki nyïïu, ki määru, kiper uudi mou.»

Aydheea 29:7

'Ba lwaak mana käl røk wïth juurre bëët na këëdö ka Ariël, na raany kwör gwøk røk moe, na ciel gø dïër, ge rwäänyö kaamar lääk, kaamar gïn wø nyooth ki yi wïc ki wäär.

Jool 3:2

aani wïth juurre bëët cooŋa kanya ciel, ni kïtha ge goor Jøcapath. Ni ööa ni caana luup ŋøl dëëtge kaace naa ena løø jiya ma jø Icriel na näk thööga, kiper beege na keeth jiya dï wïth juurre, ni ö geni na wïth juurre ni pääŋge ŋöömö mara yïthakicge keerge.

Jepaniya 3:19

'Ba dïcäŋöca, jiy bëët moa caar uuni jääla jäälö; 'ba puudhi okønya, ni cooŋa jøøa no okeethø na mak ki tøŋ, ni mooa geni ki pwøc ki wödö bäät piny bäre na kar lään wïc marge.

Dhekaraya 12:9

Wuuö Jwøk aköö, ni «Dïcäŋöca wïth juurre bëët moo tïïc leny bäät Jerucalem ge raanynya raanynyø.

Jøcua 10:10

Ni ö Wuuö Jwøki ni kier wïth jø Amör ni tïïc ge nee bwøkge nyïm jø Icriel, ni ö jø Icrielli ni böötge jø Amör døc Gibien, ni riemge geni ki jöör Bëëth-Örön ni ge iitha thuur, ni ŋwiecge køørge ni 'näkge geni këël mana pïïcge mïëri moa näk cøøri na Adhëka ki Mekëëda.

Jøcua 10:14

'Ba bäŋ teeŋ dïcäŋ mo oruu mo caala manøgø dïkwøŋ, ni bäŋ teeŋ gïnögø mo otägö køøre këët, ki mana ö Wuuö Jwøki na wïny dwør dhaanhø; kiper beeye Wuuö Jwøk na këëdö kiper jø Icriel.

Jøcua 10:42

Ni ö Jøcua ni put nyeye moøgø bëët ki mïëri moge mac yie aciel, kiper Wuuö Jwøk na näk Jwø Icriel beeye eni na këëdö kiper jø Icriel.