Dhekaraya 14:21 - Wëël Jwøk

²¹ Këël dääe bëët moa en yi Jerucalem ki moa en yi Juuda otïmö ni ena kur keerge na mo Wuuö Jwøk, eni na wïth jammi bëët. 'Ba jiy bëët moo wäro ö baŋ cïp olämme, geno lwöti røk dääe moøgø ni tëëtge ki ge. Dïcäŋöca otïmö ni bäŋ dïgäthe këët yi Øt Wuuö Jwøk, eni na wïth jammi bëët.

Dhekaraya 14:21 Iomraidhean Croise

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Edhikiel 44:9

« ‹'Ba a na Kwäärö Wuuö Jwøk, luum caana jïïu bee en: Jøøa path, na näk kär daŋø ki yïth cwïnyge ki dëëtge, kär dee gø mo døny yi øtø mara na en kur keere, ni beege jøøa path bëët mo wø bëëdö dï jø Icriel.

Edhikiel 45:1

« ‹'Ba kanyo pääŋŋu ŋöömö ki køør ŋïïce mo wø tïïc na nyuuthe, løøk mør wär cïpu jï Wuuö Jwøk na kany mo ena kur keere, mo bär mare beeye gööye ma kume ma pïërariiø kurbïïc, ni dööŋ yie beeye gööye ma kume ma pïërariiø, ni ö yie bäre ni tïï nee bëëde ni ena kur keere na mar Wuuö Jwøk.

Odheea 12:7

ŋat gath man wø rumö ki gïr røm mo patha kare, yie met ki møt jiy.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Jepaniya 1:11

Wui, u ni wø bëëdö kwör gath, gööu ko oduuru! Kiper jø gath mou bëët di raanynyø, ni ö jø wø rumö ki gwet-bïrö ni ränyge.

Dhekaraya 14:20

'Ba dïcäŋöca luubö man ogöör bäät athaliiŋŋi mo wø en ŋut okwëënyi ni «Gïn ena kur keere na mar Wuuö Jwøk.» 'Ba dääe thuwø mo Øt Wuuö Jwøk otïmö ni ena kur keerge kaamar athääe mo wø en nyïm gïn wø cïp olämme bääte.

Dhekaraya 7:6

?A kanya wara bëëdu thuwø nou cämö nou mädhö, ajwöm moøgø paa kiper dëëtu keeru na bëëde?

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

Tiet Ciik 12:12

'Ba yïthu doo mïnnö nyïm Wuuö Jwøk na näk Jwøu, uuni ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni, jøøa näk bäŋ ŋöömö moo dööŋ jïge na kurge yïthakiyu.

Tiet Ciik 12:7

'Ba kaace ŋati man nø dëëtu ki jø paare ge doo cämö nyïm Wuuö Jwøk na näk Jwøu, ni mïn yïthu ki køør tïïe mou bëët moa ö Wuuö Jwøki na näk Jwøu na gwïëth uuni ki ge.

1 Timöthi 3:15

kiper noo näk maa ruu, nee bëët dhaanhø mana dee bëëdö ki gø ya acooŋ Jwøk nee ŋäyï, na näk beeye acooŋ Jwøa kwøw, na näk werø, na cuŋ adïëri ree.

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.