Dhekaraya 14:20 - Wëël Jwøk

²⁰ 'Ba dïcäŋöca luubö man ogöör bäät athaliiŋŋi mo wø en ŋut okwëënyi ni «Gïn ena kur keere na mar Wuuö Jwøk.» 'Ba dääe thuwø mo Øt Wuuö Jwøk otïmö ni ena kur keerge kaamar athääe mo wø en nyïm gïn wø cïp olämme bääte.

Dhekaraya 14:20 Iomraidhean Croise

1 Nyeye 7:50

ko ogubääye, ki jap wø 'näk lambae ki ge, ki kuure, ka apät, ka athääe mo wø käär mäc ki ge; ni gïïögø bëët tïïc ka warkey mo tøŋ. Ni tïïe ki gïï wø gur odhuulu dëër dhi øtø ki geni mo tïïc ka warkey, mo dhi thääŋ øtø mana en dïër, ni beeye øtø mana en kur keere na pere leth, ki dhi Øt Jwøk man wø døny yie ki gø, ni beeye thääŋ øtø mana en kur keere.

2 Luup Nyeye 4:8

Ni tïïe thuwø ki tharabëëte apaar; ni cïp ge yi Øt Jwøk, na abïïc ee cïp bäät cwïïc ni ö abïïci møga ni cïp ge bäät caam. Ni tïïe ki kuure ma dïpa mo tïïc ka warkey.

Bwøth Wøk 25:29

Wärï tïïï ki cäänne ka apät ko ogubääye ki kuure na mo thïïö ki jëëthe, ni gïïögø bëët tïïyï ka warkey mana tøŋ.

Bwøth Wøk 37:16

Ni tïïc jammi bëët mo wø bëëdö bäät tharabëëta ki warkey mana tøŋ; ni beege cäänne ka apät ko ogubääye ki kuure na näk mo thïïö ki jëëthe.

Bwøth Wøk 39:30

Køøre gïn mo ŋwaŋŋi na näk nyuudhi mar ŋat mo ena kur keere na mar Wuuö Jwøk atïïcge ki warkey mana tøŋ, ni göönge dëër gø ki gööre mo køp, ni «Eni ena kur keere na mar Wuuö Jwøk.»

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Jeremaya 31:40

Ni ö ya agäm-kïdi bäre kany wø leeŋ jiy yie moa no othøw, kany wø wet bur yie, ki pwöth bëët moa en deŋ waŋ Naam Kidaran løø paac jï løø kur tuul-cäŋ, këël mano pïïe kanya gun kiirri ki yie buut dhi kiir mana cwøl ni Dhi Kiir Okwëënyi, ni tïmge ni ge ena kur keerge jï Wuuö Jwøk. 'Ba päänyögø obëëdö ni ba daak ni ba nyaa piny këët na bäre bäre.»

Edhikiel 45:1

« ‹'Ba kanyo pääŋŋu ŋöömö ki køør ŋïïce mo wø tïïc na nyuuthe, løøk mør wär cïpu jï Wuuö Jwøk na kany mo ena kur keere, mo bär mare beeye gööye ma kume ma pïërariiø kurbïïc, ni dööŋ yie beeye gööye ma kume ma pïërariiø, ni ö yie bäre ni tïï nee bëëde ni ena kur keere na mar Wuuö Jwøk.

Ciik Kiper Dïlämme 6:28

'Ba gïno thaal rïŋö ki gø nee beeye dak, wär nyath. 'Ba ni näk mo thaal ka dhiinh jwïël, wär gøøp døøc ni laai ki pïï mo tøŋ.

Ciik Kiper Dïlämme 8:9

Eni thuwø abïï man wø kïth wïc akïth wï Aran, ni ö warkey mana paŋŋi, man wø nyooth gø ni Aran ocïp kur keere, ni twöö gø ri baap täärnyïm abïï manøgø, ni tïïe ka køør mana ö Wuuö Jwøki na kööm eni na Modhe ki gø.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Dhekaraya 14:19

Manøgø otïmö ni beeye ajäla mano jääl jø Ijep ki gø ki wïth juurre bëët moo kweer ki man wøørge ajwöm wø wøør ni jøw ena yïth abïle.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Dhekaraya 9:15

Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Kwään Jiy 4:14

ni cïpge jap tïïc moe bëët bäät gø, ni beeye athääk jwëëlli mo wø käär mäc ki ge, ki gïï wø lääm rïŋ wøk ki ge, ka akaape, ki cäänne, ni beege jap tïïc bëët mo gïn wø cïp olämme bääte; ni rïëpge gø ki rëëbi mar pëët lääy mo onyøŋø, ni rwaakge jer tëër ïth gøøni.

Kwään Jiy 4:7

«Køøre abïï mo kïte caala kït abïcøle opeerge bäät tharabëëta mar muunni moa näk nyuuthe, ni kïthge cäänne ka apät ki kuure bääte, ko ogubääc jëëthe mo kwøŋ; ni muunni mo en bääte cooth bëëdö karge.

Kwään Jiy 7:13

Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö thuwø, mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

Kwään Jiy 7:19

Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Moa Tïïc Nyïïatwieli 10:15

'Ba dwøl manøgø acäŋ ö baŋe ri rietge, ni kööe, ni «Gïn mo odøøc Jwøki mo waany, kär cwølï ni gïn mør jaak.»

Moa Tïïc Nyïïatwieli 10:28

Ni kööe ki geni, ni «Uuni ki dëëtu, ŋäyu ni ba beer ki køør ciik mowa ki man o ŋat Juuth ni cuuŋe ki juurre møøk wala ki man lïïmme baŋge. 'Ba anyooth Jwøki jïra ni kär dee dhaanhø mo cwøla ni dhaanhø jaak wala ba waany.

Moa Tïïc Nyïïatwieli 11:9

'Ba acäŋ dwølli manøgø duuö jïra ki maal, ni ‹Gïn mo onø døøc Jwøki mo waany, kär cwølï ni gïn mør jaak.›

Moa Tïïc Nyïïatwieli 15:9

Ni bäŋ ajeeny mo ee tïïö yïthakiyø ki geni, 'ba cwïnyge adøøc mo waany ki køør ŋäädhe.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

Mana Nyooth 1:6

ni tïïc øøni ni øøna jø bura, na dïlämme jï Jwøe na näk Wänni. Enøgønø.

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 5:10

Ni tïïyï geni na jø bura na dïlämme jï Jwøk marø. 'Ba geno bëënni bäät piny.»

1 Camiel 2:14

Køøre gïnögø rwaage yi gïna thaal rïŋö ki gø, nee dhiithi, wala athaa, wala dak; 'ba rïŋö bäre mano käl gïr läämö manøgø wøk puta tïmö na mar dïlämi. Manøgø beeye gïna tïïc wäät Ëli dëët jø Icriel Cëëlö kaagø, ni beege jø Icriel bëët mo wø ööi ni wø cïpi ko olämme.