Dhekaraya 14:2 - Wëël Jwøk

² Wuuö Jwøk aköö, ni «Aani, wïth juurre bëët ge cooŋa cooŋø ni öge kuna këëtge ki Jerucalem. Pääny Jerucalem omak, ni twier uudi moe, ni gøc mään moe ki piny, ni ö thääŋö mar jiy ni mak geni ki tøŋ. 'Ba jiy moo dööŋ ni kwøw, ge ba ŋul wøk këët yi pääny.»

Dhekaraya 14:2 Iomraidhean Croise

Aydheea 13:16

Obwöre moge moa therø di gøyø ki ri kïte ni petge ni nëënö jïge; ni ö gïïa en yïth uudi moge ni twieri, ni buudö ki määrge ki teek.

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 5:26

Eni ŋïï mare tïŋe maal nee joot wïth juurre moa kwörge bäyö, ni cwøl nyïïmän moa en teegi mo piny ki dwør lwiyø, nee laarge ö ni ge rwäänhnhö,

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Jeremaya 21:4

ni ‹Luumma caan Wuuö Jwøki, Jwø Icriel, beeye en: Ennø, aani, tøøŋi moø ni en ceŋŋu yøø 'dwøga dëëtu, ni beege tøøŋi moøgø ni këëdu ki nyeny Babiløn ki ge yøø ki jø leny moe, ni bëëdö ni kiir maru ege ciel dïër yøø; aani, ge käla ka yi pääny man.

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Wëël Kïmmö 1:10

Nyimän cere akïth baŋ jammi mo Jerucalem moa perge leth. Eni na Jerucalem wïth juurre ajoode ni dønynya kuna tukge øt lam mare na en kur keere, jøøa kööm Wuuö Jwøki ni kärge døny ya acooŋ jiye.

Edhikiel 5:8

«Kiper manøgønø, a na Kwäärö Wuuö Jwøk, luumma caana beeye en: Aani, a ööa maal bäätï, ï na Jerucalem, ni ö ajäla mara ni kïtha gø bäätï ni nëënö jï wïth juurre.

Jool 3:2

aani wïth juurre bëët cooŋa kanya ciel, ni kïtha ge goor Jøcapath. Ni ööa ni caana luup ŋøl dëëtge kaace naa ena løø jiya ma jø Icriel na näk thööga, kiper beege na keeth jiya dï wïth juurre, ni ö geni na wïth juurre ni pääŋge ŋöömö mara yïthakicge keerge.

Jool 3:9

Luubö man gøø piny yïthakic wïth juurre: Ni jiiŋŋu dëëtu kiper leny, ni ö jø lenynyi moa teek ni öge maal. Beerra man ö jø lenynyi bëët ni nyiikge kany mo cään ni tukge.

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Dhekaraya 12:2

ni «Aani, a ööa kuna tïïa Jerucalem ni caala athöödhi mo yie da køøŋø mo jiy moa en deŋŋe bëët mäthö dëër gø ni wëëk ge bøømmø. 'Ba kanyo ciel Jerucalem dïër, orwöp ki mïëc Juuda møga thuwø.

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Dhekaraya 12:9

Wuuö Jwøk aköö, ni «Dïcäŋöca wïth juurre bëët moo tïïc leny bäät Jerucalem ge raanynya raanynyø.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.

Maak 13:19

'Ba yïth nïrögø, piny ojïti ki teeŋ gïï mo leth mo kär kwøŋ öö këël kanya cak piny mana cwääc Jwøki, gøøc kawaane, ni bäŋgø mo cäŋ tägö këët na bäre bäre.

Luk 2:1

'Ba yïth nïrögø da dwøl ma aöö ki baŋ Cidhar Agacta, ni jø mïëri bëët nyeŋge doo göörö.