Dhekaraya 14:17 - Wëël Jwøk

¹⁷ 'Ba jø bäät piny moo kweer ki man cige Jerucalem kuna wøørge nyeya ma Wuuö Jwøk, eni na wïth jammi bëët, otïmö ni bäŋ køth mo pädhi yi ŋöömö marge.

Dhekaraya 14:17 Iomraidhean Croise

Wïlöölö 10:32

'Ba moøgø beege nyïïkwaac Nöa ki køør tuuŋ marge, ni jøøi nø bëëdö na teeŋ wï jur man nø. Ki røk jøøgø wïth juurre anyaay bäät piny bäre køør jwïïö.

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 8:35

«'Ba kany wø näk mo maal ocuŋŋö ni tïme ni bäŋ køth, kiper mana tïï jiyï ki raay dëërï, ni näk mo ge lämö ni nyïmge ege luu Øt Jwøk kany, ni cøørge nyeŋŋï, ni løkge rege ni wecge raay moge kanyo caannï geni,

2 Luup Nyeye 6:26

«'Ba kany wø näk mo maal ocuŋŋö, ni tïme ni bäŋ køth, kiper mana tïï jiyï ki raay dëërï, ni lämge ni nyïmge ege luu Øt Jwøk kany, ni cøørge nyeŋŋï, ni løkge rege ni wecge raay moge kanyo caannï geni,

2 Luup Nyeye 7:13

«'Ba ni näk mo maal yaa cïëgö ni tïm køthi ni bäŋgø, wala ni näk mo bäänyö yaa köömmö ni öge ni raanyge ŋöömö, wala a jääŋŋa täw mo raac bäät jiya,

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Jeremaya 10:25

Kïth wëër marï bäät wïth juurre moa näk ï kucge, ni beege jiy moa näk nyeŋŋï ba cøørge, kiper geni, wa jø po Jeekap, waana thöörge; waana thöörge møn, ni raanyge kar bëëtö marwa.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 14:4

Piny akaaŋŋø kiper na bäŋe køth; ni ö jø puurri ni tïm wïthge ni laay, ni kwaage ceŋge wïthge.

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Dhekaraya 14:16

Køøre jiy moo dööŋ ni kwøw ki røk wïth juurre bëët moa tïïc leny bäät Jerucalem, geno wäro ci ki yi cwiir cooth kuna wøørge nyeya ma Wuuö Jwøk, eni na wïth jammi bëët, ni cige ni wøørge ajwöm wø wøør ni jøw ena yïth abïle.

Dhekaraya 14:9

'Ba Wuuö Jwøk otïmö na nyeya kiper bäät piny bäre. Dïcäŋöca Wuuö Jwøk otïmö ni bee Jwøka eni keere, ni nyeŋŋe bee eni keere.

Tiet Ciik 11:17

Kiper ni näk mo teeŋ gïnögø tïïyu tïïö, wëëc Wuuö Jwøk liel dëëtu kaamar maac, ni män køth, ni tïme ni bäŋ køth këët, ni ö pinynyi ni tïme ni bäŋ cam mo ciek yie; ni laaru thumö yi ŋöömmo beer enø noo cïp Wuuö Jwøki jïïu.

Jeemeth 5:17

'Ba Ilaaja na bëëde, ena dhaanhø mo ocwääö kaamarø. 'Ba ena lämö ki cwïnye bäre nee køth ba pädhe. Ni bëët køthi ki cwiiri adäk ki dwäde abïciel ni kär pädhö bäät piny.

Mana Nyooth 11:6

Ni jïge da teek ki man mänge pöölö nee køth ba pädhe yïth nïro køpge dwør Jwøk. Ni jïge da teek bäät pïï ki man døøcge geni remø, ki teek man raanyge piny ki teeŋ jap räny piny bëët, kany wø manyge gø.