Dhekaraya 14:16 - Wëël Jwøk

¹⁶ Køøre jiy moo dööŋ ni kwøw ki røk wïth juurre bëët moa tïïc leny bäät Jerucalem, geno wäro ci ki yi cwiir cooth kuna wøørge nyeya ma Wuuö Jwøk, eni na wïth jammi bëët, ni cige ni wøørge ajwöm wø wøør ni jøw ena yïth abïle.

Dhekaraya 14:16 Iomraidhean Croise

2 Luup Nyeye 8:13

'Ba olämme moøgøøni na cïpi ya Cølömanni, tïïe ka køør ciik Modhe moa näk ocïp piny kiper yi cïp olämme mo wø cïp ki yi cäŋ cooth, ki yïth cääŋŋe mo jwöm, ki kany wø päär dwääyi, ki kwör ajwöm moa na adäk mo wø wøør ki yi cwiir cooth, ni beege Ajwöm Møga Näk Ree Bäŋ Thømmø, ka Ajwöm Caammi Mo Wø Kwøŋ Ciek, ka Ajwöma Man Wø Wøør Ki Yïth Abïle.

Edhera 3:4

'Ba ki køør mana no ogöörö, geni Ajwöm Yïth Abïle awøørge, ni cïpge ko olämme mo wø waaŋ bäre mo kwäänge ŋäc ki yi cäŋ cooth ki køør ciik, ni beege moa no ocïp piny kiper yi cäŋ man nø.

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Odheea 12:9

Wuuö Jwøk aköö, ni «Aana Wuuö Jwøk, Jwøk maru, na käl uuni wøk ki Ijep; u tïïa tïïö nou cäŋu bëëtö yïth oduŋkaare, kaawat mana wara wøørru ajwöm mou.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Dhekaraya 14:9

'Ba Wuuö Jwøk otïmö na nyeya kiper bäät piny bäre. Dïcäŋöca Wuuö Jwøk otïmö ni bee Jwøka eni keere, ni nyeŋŋe bee eni keere.

Dhekaraya 9:7

Aani rïŋ moge mo wø camge ni rege jääbö ki rem käla wøk dhøkge; ni ö caammi moge mo wø camge na näk ba waany ni gwëëna ge wøk tiet lak moge. 'Ba jiy moo dööŋ ni kwøw rege, otïmö na jiy 'moa, a na Wuuö Jwøk, ni putge tïmö na bwöthe yi Juuda; ni ö jø Akarön ni tïmge kaamar jø Jeebuc.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 7:2

'Ba kar kaaca Ajwöm Cam mar jø Juuth man wø wøør ni jøw bëëdö yïth abïle kare ocäännö.

Moa Tïïc Nyïïatwieli 15:17

Kiper nee jiy møga bëët nee Wuuö manyge, ki juurre bëët moa näk nyeŋŋa ocaa rege.

Wëëlö Mana Göör Pøølli Baŋ Jø Röm 11:16

'Ba ni näk møø mo okudö ocïbö na jëëdhi na këël wï Jwøk ni ena kur keere na mar Jwøk, møgøgø bäre mana dööŋ ena kur keere thuwø. Ni lweet jaath ni näk mo ena kur keere, bäät jaadhøgø bëët ena kur keerge na mo Jwøk.

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Wëëlö Mana Göör Pøølli Baŋ Jø Röm 11:5

Kaawat manøgø thuwø, kawaane poot da jiy møøk mo odööŋ, mo ojier Jwøki ki met yie.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»