Dhekaraya 14:11 - Wëël Jwøk

¹¹ Jiy obëëdö yie, ni bëëde ni bäŋ acïëni mo ö bääte këët, kiper Jerucalem obëëdö no okoorø.

Dhekaraya 14:11 Iomraidhean Croise

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Jeremaya 31:40

Ni ö ya agäm-kïdi bäre kany wø leeŋ jiy yie moa no othøw, kany wø wet bur yie, ki pwöth bëët moa en deŋ waŋ Naam Kidaran løø paac jï løø kur tuul-cäŋ, këël mano pïïe kanya gun kiirri ki yie buut dhi kiir mana cwøl ni Dhi Kiir Okwëënyi, ni tïmge ni ge ena kur keerge jï Wuuö Jwøk. 'Ba päänyögø obëëdö ni ba daak ni ba nyaa piny këët na bäre bäre.»

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Edhikiel 37:26

Aani, a tudö ki luum bëët mëër ki geni, ni ö luummögø ni put bëëte no otuudö na bäre bäre. Aani, tietge këëlla piny ni teek ni meeda kwäänge, ni ö øt lam mara na en kur keere ni wëëga gø bëëtö dïge na bäre bäre.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Jool 3:20

'Ba Juuda tïmö ni beeye noo beet na bäre bäre, ni tïm Jerucalemmi na mar beenhnhe bëët mo oööi.

Amøc 9:15

Tiet jiya okëëlla piny yïth ŋøøm moge, ni bäŋ ŋat mo daak ge këët yïth ŋøøm moge moa cïba jïge.» Gïnögø caana Wuuö Jwøki Jwøk maru.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 2:4

ni kööe jï gø, ni «Reŋ baŋ nyenece ni cere da thøør røm ice, ni caanï gø jïre, ni ‹Jerucalem otïmö na pääny mo bäŋ kiir deŋŋe kiper mano tïm jiyi ki lääc paac ni thööth yie døc.

Dhekaraya 8:13

Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Dhekaraya 8:4

Wuuö Jwøk, eni na wïth jammi bëët, aköö, no «Ocäŋ tïmö ni da cwøw mo ojal ki mään mo ojal mo opï piny nyeŋ jïëthe mo Jerucalem, ni ŋati man nø cere da athøra mo kwömö ki gø kiper jalø mare.

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Kwään Jiy 21:3

Ni ö Wuuö Jwøki ni wïny mana caan jø Icrielli, ni cïp jø Keenan moøgø ceŋge, ni raanyge geni na bäre ki päänye moge; ni put nyeŋ kaace cwøl ni Örma.

Tiet Ciik 33:28

'Ba jø Icriel bëëdö ni bäŋ gïn mo tägi dëëtge; ni ö geni na nyïïkwaac Jeekap yøø ni bëëtge keerge yi ŋöömö mo yie da beel ki pï nyïïomøki, na ŋöömö mo maal cïpö ki køth ki thööy jïre cooth.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»

Mana Nyooth 22:3

'Ba kaace bäŋ gïrpiny aciel këët mo ocienø, 'ba wäl Jwøk ge ki Nyidiel beeye noo en yie, ni ö laage ni wøørge eni.