Dhekaraya 14:10 - Wëël Jwøk

¹⁰ 'Ba ŋööm paac bäre, ki mano täge Gëba këël Rimön na en jï løø tier-piny ki Jerucalem, otïmö ni ree päärö kaamar ŋööm Araba. 'Ba Jerucalem otïmö ni raŋa maal ni bëëdö kare, ki mano täge ki dhi kiir Benjamen këël buut dhi kiir mana dïkwøŋ na en jï løø dhi kiir mana en gøøt kiir, ki mano cäŋ tägö ki Øt Koor Mar Ananel këël kany wø nywøp køøŋ nyeya yie.

Dhekaraya 14:10 Iomraidhean Croise

1 Nyeye 15:22

Køøre nyeya ma Aca acïpö ki dwøl jï tiet mïëc Juuda bëët, ni bäŋgø mo ee wiiø. Køøre gena aay ni jwïëkge kïte ki jer geer moa ö Baaca na dee Reema geerø ki ge. Ni ö nyeya ma Aca ni geer Gëba na en yi ŋööm Benjamen, ki Micpa ki ge.

2 Nyeye 14:13

Køøre Jeyöac nyeny Icriel, nyeny Juuda ma Amaciya o Jöac nyikwaar Akadhiya aput mak ki tøŋ yi Bëëth-Camic, ni ci Jerucalem ni toor kiir Jerucalem piny ki mana täge ki dhi kiir mana cwøl ni Ipariem këël mana këët dhi kiir mana en gøøt; ni kanya toor piny, bär mare beeye gööye ma dïpe aŋween.

1 Luup Nyeye 4:32

Atude moge beege Ëtam, ki Ayn, ki Rimön, ki Tökin, ka Acan. Ge bëët beege päänye abïïc.

1 Luup Nyeye 6:77

'Ba jø tuuŋ Libay moa dööŋ, na näk nyïïkwaac Mërari, päänye moa cïp jïge ki baŋ jø tuuŋ Dhebulan beeye Rimönö ki kwör kwaath moe, ki Tabör ki kwör kwaath moe.

2 Luup Nyeye 25:23

Køøre Jeyöac nyeny Icriel nyeny Juuda ma Amaciya o Jöac, nyikwaar Akadhiya, aput mak ki tøŋ yi Bëëth-Camic, ni kïth gø Jerucalem, ni toor kiir Jerucalem piny, ki mana täge ki dhi kiir mana cwøl ni Ipariem këël mana këët dhi kiir mana en gøøt; ni kanya toor piny bär mare beeye gööye ma dïpe aŋween.

2 Luup Nyeye 26:9

'Ba Udhaya ena gëëdö thuwø yi Jerucalem ki uut koor moa näk ogeerø ni ena maal. Ni kwöra gëët yïthge beege dhi kiir mana en gøøt, ki dhi kiir Agäm Kïdi, ki kanya gun kiirri ki yie. 'Ba uut koor moøgøøni ageere ni teek døc.

Neemiya 12:39

ni pööthge ki bäät dhi kiir man wø cwøl ni Dhi Kiir Ipariem, ki bäät dhi kiir man wø cwøl ni Dhi Kiir Jecana, ki bäät dhi kiir man wø cwøl ni Dhi Kiir Rec, ki buut Øt Koor Mar Ananel, ki buut øt koor man wø cwøl ni Dïpa, këël mana pïïcge ri dhi kiir man wø cwøl ni Dhi Kiir Dïëk. Ni ö geni ni ŋuutge dhi kiir man wø cwøl ni Dhi Kiir Jø Koor.

Neemiya 3:1

Kanyøgø Eliyacip na näk Kwääy Lam Mana Dwøŋ ena ö maal ki dïlämme mo wø tïïö ki eni ciel, ni geerge dhi kiir man wø cwøl ni Dhi Kiir Dïëk, ni cïp gø kur keere na mar Jwøk, ni moocge dhi gø ko odhuule. Ni ö geni ni cïpge kiir kur keere na mar Jwøk, ni beeye kiir mana no okëël ri øt koor man wø cwøl ni Dïpa, ki ri Øt Koor Mar Ananel.

Aydheea 10:29

'Ba eno nø pöödhö, ni kööe, «Gëba otïmö na kar jwöm røk man buta yie.» Jø Reema onø lwäyö døc, ni ö Giba, pääny Cøøl, ni nø bwøk jiye.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Jeremaya 20:2

eni na Pacuur nyikuŋ Jwøk ma Jeremaya awëëk pöödö, ni wëëk tiet gø kïth yo orøgø na en deŋ dhi kal mar Øt Jwøk mana cwøl ni Benjamen.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 37:13

'Ba kanya pïïe dhi kiir man wø cwøl ni Dhi Kiir Benjamen, ŋata bëëdö na wïth jø koor, mo nyeŋŋe Iriya o Celemiya wär Ananiya ena kaace. Ni ö eni ni mak nyikuŋ Jwøk ma Jeremaya, ni kööe, ni «Ïïni, ï kwala riï nee riï cïpï jï jø Babiløn.»

Jeremaya 38:7

'Ba Ebet-Melek, nyï Ithiöpia ma ŋat köör mo ena paan dwøŋ, awïnynye ni Jeremaya okïth yi buur. 'Ba kar kaagø nyeya opï piny dhi kiir man wø cwøl ni Dhi Kiir Benjamen.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Mikiya 4:1

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 2:4

ni kööe jï gø, ni «Reŋ baŋ nyenece ni cere da thøør røm ice, ni caanï gø jïre, ni ‹Jerucalem otïmö na pääny mo bäŋ kiir deŋŋe kiper mano tïm jiyi ki lääc paac ni thööth yie døc.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Jøcua 15:32

ki Libawöt, ki Cilim, ka Ayn, ki Rimön; 'ba päänye moøgø bëët beege pïërariiø ka abïŋween ka atude moge moa en buutge.

Jøcua 21:17

'Ba päänye moa lwør røk päänye mo jø tuuŋ Benjamen beege Gibien, ki Gëba,

Pïëmme 20:45

'Ba moa dööŋ, ŋäthge aløkge ni reŋge jï kuna näk da dï paap bäät kïnna cwøl ni Rimön; 'ba jiy ma kume abïïc amaa jø Icrielli uutjïëthe ni 'näkge geni. Køøre gena cäŋ läp køørge, ni maage geni Gidöm, ni cäŋge nääö ki jiy ma kume ariiø røkge.

Pïëmme 20:47

'Ba dëët jøøa reŋ jï kuna näk da dï paap, jiy ma dïpe abïciel abøth ni pïïcge bäät Kïn Rimön, ni putge bëëtö kaaca ki dwäde aŋween.

Pïëmme 21:13

Køøre jø acooŋa bëët ajäägö ki dwøl ni cäänge ki jø tuuŋ Benjamen moa en bäät Kïn Rimön, ni ge caana luum mëër jïge.