Dhekaraya 13:9 - Wëël Jwøk

⁹ 'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 13:9 Iomraidhean Croise

2 Camiel 7:24

Wui Wuuö Jwøk, beeye ïïni na këël tiet jiyï piny ma jø Icriel, nee putge bëëtö na jiyï na bäre bäre, ni tïmï ni ïïna Jwøk marge.

Jööp 23:10

'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Jööp 28:1

«Ka adïëri møn, da kany mo gwet-bïrö di joodø yie tiet ŋøøm, ki kany wø leeny warkey yie.

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 48:10

Ka adïëri møn, bëëtö mo leth akäla bäätu naa päära uuni, kaawat man wø leeny gwel-bïrö ki maac, 'ba bäŋ gïn mo beer mo yaa joodø baŋu.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Jeremaya 24:5

ni «Man caana, a na Wuuö Jwøk, Jwø Icriel beeye en: Aani, jø Juuda moa riema wøk ki yi ŋöömmi en na mak ki tøŋ na kïth yi ŋööm jø Babiløn, ge raŋa raŋø ni beyø ni caala nyïïolämmi moi ni beyø ii.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Jeremaya 9:6

'Ba ï na Jeremaya, kar bëëtö marï ena dï jø cwøk, ni geno kweer ki man ŋäcge aani ki køør cwøk moge.» Luummögø caana Wuuö Jwøki.

Edhikiel 11:20

Køøre nø, geno cäädhi køør ciik 'moa ni gwøkge luup 'moa, ni kïthge gø bäät tïïc. Geno bëëdö na jiy 'moa, ni bëëda ni aana Jwøk marge.

Edhikiel 14:11

kiper nee jø Icriel tïmge ni wïthge ba løøge wøk ki aani këët, ni dëëtge ba raanyge keerge këët ki raay moge bëët. 'Ba geno bëëdö na jiy 'moa ni bëëda ni aana Jwøk marge.› » Luummögø caana Kwäärö Wuuö Jwøki.

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Ciik Kiper Dïlämme 26:12

Aani thuwø, aano cäädhi dïïu, ni bëëda ni aana Jwøk maru, ni bëëdu ni uuna jiya.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Moa Tïïc Nyïïatwieli 2:21

'Ba dïcäŋöce, jøw ocøør nyeŋ Wuuö bëët di piemø.›

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

1 Piter 4:12

Omëëya, kär yïthu thäŋŋö ki gïïo ni leth ni caal maac ni wø tägi dëëtu ni päänynya uuni, ni keda gïn mo nyään mo täga dëëtu.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.

Mana Nyooth 8:10

Ni ö dää nyïïatwiet maalli ni kooth tuuŋ mare. Ni ö cëërö mo dwøŋ døc mo liel keda ameeth ni pänhnhe ki maal, ni pänh bäät dää thäk näm, ki bäät jøøre mo pïï.

Mana Nyooth 8:11

'Ba nyeŋ cëëyögø cwøl ni Jaadha Keec. Ni tïm dää thäk pï näm ni keec. Ni thøw jiyi mo thööth ki pïï, kiper na tïmge ni keec.

Mana Nyooth 8:12

Ni ö ŋweer nyïïatwiet maalli ni kooth tuuŋ mare. Ni ö dää thääŋö mar cäŋ, ki dää thääŋö mar dwääy, ki dää thääŋö mar ceer ni gøøi, ni tïm dää thääŋö mar tar moge na muudhö. Ni ö dää thääŋö mar dïcäŋöca ni mäni ki man tïme ni leer, ni ö dää thääŋö mar wäär thuwø ni tïïi na enøgønø.

Mana Nyooth 8:7

Ni ö nyïïatwiel maal mana dïkwøŋ ni kooth tuuŋ mare, ni put piiø ki maac mo orwöbö ki remø öö, ni pänh bäät piny. Ni ö dää thääŋö mar piny ni waaŋe, ni waaŋ dää thääŋö mo jen, ni ö luummi mana marr ni waaŋe ki kare bäre.

Mana Nyooth 8:8

Ni ö riet nyïïatwiet maalli ni kooth tuuŋ mare. Ni ö gïn mørri mo keda kïdi mo dwøŋ mo liel ki maac ni lëëŋi yïth näpa døøŋŋø.

Mana Nyooth 8:9

Ni ö dää thääŋö mo näpa døøŋŋø ni tïmge na remø, ni ö dää thääŋö mo gïïa kwøw yïth näpa døøŋŋø ni thøwge, ni räny dää thääŋö mo jïëth näm.