Dhekaraya 13:7 - Wëël Jwøk

⁷ Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Dhekaraya 13:7 Iomraidhean Croise

Aydheea 1:25

'Ba aani da gïn mo tïïa tïïö dëërï thuwø, ï na Jerucalem, gïïa reyø dëërï na caal apøk nyal, twöna wøk, kaawat man wø ö apøk nyalli mo wø en dëër nywïënyö wø twöni wøk kany wø leeny nywïënyö ki maac. Gïïa reyø bëët moa en dëërï käla wøk.

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 47:6

«Uuno jwöŋi ni kööu, ni ‹?Wui, opëël Wuuö Jwøk, a këël kany mo nyïëdi nø noo jwömï riï ki 'näk? Døø yi køp marï! Ni jwömï riï ki 'näk ni bëëdï niï lïŋö.›

Edhikiel 21:28

«'Ba ï na wär dhaanhø, caan gïn ni kööï ni man bee luumma caan Kwäärö Wuuö Jwøki kiper jø Amön ka ajøøŋ mana tïïcge, ena köö, «no ‹Opëëllö anø wöth wøk kiper 'näk, ni bëëdö no othoodhø nee räänye, ni eni malli døc kaamar agaackøth.

Edhikiel 21:3

ni kööï ni man beeye luumma caan Wuuö Jwøki, ena köö, ni ‹Aana gootø ki ïïni. Aani opëëllö mara wödha wøk ki yi køp mare ni puta jiy moa bëëtge beyø ki moa bëëtge reyø 'näk.

Edhikiel 37:24

« ‹Dhaanhnha ma Deebit otïmö na nyeya marge, ni tïmge ni ge ena tier dïkwääy aciel bëët. Geni, køør ciik 'moa ocaathge, ni bëëtge ni luup 'moa gwøkge gwøø ni kïthge ge bäät tïïc.

Edhikiel 7:6

Aŋuun nïne aöö! Aŋuun nïne anø öö! Aløny ni tägö ki man käl ränynyö bäätu; anø öö!

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Dhekaraya 11:11

Aputa raanynyø møn dïcäŋöca, ni ö dïëk moa no ocaarø na bëëdö ni ge køya aani ni putge gø ŋäc ni manøgø beeye dwør Wuuö Jwøk.

Dhekaraya 11:4

'Ba Wuuö Jwøk, Jwøk mara, luumma caane jïra beeye en, ena köö, ni «Gwøk pïïth dïëk moa no omooø ki ŋïï kiper ŋaal.

Dhekaraya 11:7

Kiper manøgønø, pïïth dïëk moa no omooø ki ŋïï kiper ŋaal agwøa, ni beege dïëk moa näk ocännö døc. Køøre aana lwötö ka athøre ariiø, ni caa nyeŋ mana dïkwøŋ ni Mëër, ni ö nyeŋ maya ni caa gø ni Dwätö; ni puta pïïth dïëk gwøk.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 10:42

'Ba ŋat wäro mooc dhaanhø aciel mo kare thiinh røk bääŋi 'moa, ni eni cïpi kaper mana näk mo bääŋ manøgø ena bääŋ mara, këël ŋatøgø cïpa pïï mo ŋec ki ya athöödhi cøøn, ka adïëri møn, a caana gø jïïu, ni gïno mëëk eni ba doo kääŋö.»

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:14

Kaawat manøgøøni thuwø, Wära ni en maal ba cac man rwääny acielli dëët obwöre moi ni therø ii.

Mathiew 26:31

Kanyøgø Jecu aköö jïge, ni «Dïwääni u bëët a weyu wiiø kiper gïno tägi dëëra. Kiper ogöörö, ni ‹Aani dïkwääy ogøøa, ni ö dïëki ma pïïth ni keethge.›

Mathiew 26:56

'Ba gïnögø bäre tägi kaper nee luupa göör nyïïkuk Jwøki thurge karge.» Kanyøgø bääŋi bëët Jecu awecge ni reŋge.

Maak 14:27

Ni kö Jecu jïge, ni «Uuni bëët a weyu wiiø. Kiper ogöörö, ni ‹Aani dïkwääy dïëk ogøøa, ni ö dïëki ni keethge.›

Maak 14:50

Ni ö bääŋi bëët ni wecge Jecu ni reŋge.

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Luk 17:2

Doo beerra eni kiper ŋatøgø ki man twöö kïn guur ŋute, ni leeŋi yi naama dwøŋ, ki man wëëk aciel dëët moi ni therø ii bääyö.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 10:30

Aani ki Wuuö, waana acielø.»

Jøøn 10:38

'Ba ni näk maa tïïya geni, këël u bäŋ doo jïëy ni ŋääthu aani, jïëyu ki tïïe, kiper nee ŋäyu ni ci cwïnynyu ni Wuuö ena raa, ni ena ri Wuuö.»

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 16:15

'Ba moa en jï Wuuö bëët beege 'moa. Beeye na caana gø, ni gïno näk mara olwøre ni køp gø jïïu.

Jøøn 16:32

Da kany mo öö, ni beeye ennø møn, kanyo keethu noo ö ŋati man nø noo aa paare, ni weyu aani keera. 'Ba a ba dööŋ a keera, kiper Wuuö ena buuta.

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Jøøn 8:58

Ni løgi ya Jecu jïge, na «Adïëri møn a caana gø jïïu, kanya poot Eeberammi ni poot kär nywølø, a nutö.»

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Pilipay 2:6

Kiper eni, këël na rööme ki Jwøk, bëëtö mare na näk röömi ki mar Jwøk käre caarø ni beeye gïna dee maa ki teek.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.