Dhekaraya 13:1 - Wëël Jwøk

¹ Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Dhekaraya 13:1 Iomraidhean Croise

Aydheea 12:3

Kiper manøgønø, yïthu omïnni kanyo jootu pïëm ki baŋ Wuuö Jwøk, kaawat man wø mïn yi dhaanhø ki pïï mo wø kwönni ki yi jøøro.

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 29:26

ni «Ï na Jepaniya en, Wuuö Jwøk ïïna røønye na dïlämi kar dïlämi ma Jööda, kiper niï tïmï ni ïïna ŋat wø raŋ Øt Wuuö Jwøk, nee dhaanhø ma bøøl mo døøya ree nyikuŋ Jwøk nee tiete rwaagï yïth orøge, ni twöyï cwaage ko oguudi.

Jeremaya 33:8

Ni pïnya raay moge wøk, ni beege raay bëët moa bacge dëëra; ni wëënna raay moge bëët, ni beege raay moa bacge dëëra, ka ageem mana tïïcge dëëra.

Edhikiel 36:17

«Wär dhaanhø, kanya bëët jø Icrielli yi ŋöömö marge, ŋöömö apäätge ki bëëtö marge ki tïïe moge. Bëëtö marge ki baŋa, nëëni kaamar bäŋ waany mar dhaagø mo gïr mään opïï dëëre.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 36:29

Aani, u piema piemø yïth jammi bëët moa tïïc uuni nou ba waany. Aani, u mooa mooø ki beel ni wëëga ge ciek ni thööth, nee bäŋe käc mo ö bäätu këët.

Edhikiel 47:1

Køøre nyïïatwiel maal aana cäŋ dwøk dhi Øt Jwøk, ni jïta ki pïï mo kwönna wøk ki tier dhi øtø mar Øt Jwøk, ni kwöta jï løø kur tuul-cäŋ; kiper Øt Jwøk nyïme ena jï løø kur tuul-cäŋ. 'Ba pïï kwönni ka jï løø bäät cwïïc mar Øt Jwøk, ni beeye ki jï løø tier-piny ki gïn wø cïp olämme bääte.

Ciik Kiper Dïlämme 11:36

'Ba pï jøøro wala aguula mo yie da pïï mo gïïögø opäth yie, poot bëëdö kare ni waany. 'Ba ŋato gut dëëtge moa no othøw tïmö ni ba waany.

Mikiya 5:12

Aani, ajuuk moø ni en dïïu yøø wïthge dïïra dïïrö, ni tïme ni bäŋ jiy mo thöödhö ki war dïïu këët.

Dhekaraya 12:14

jø dhøk uudi møga bëët geno kïmmi keerge, ni ö määnni moge thuwø ni kïmge keerge.»

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.