Dhekaraya 12:8 - Wëël Jwøk

⁸ 'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 12:8 Iomraidhean Croise

Bwøth Wøk 14:19

Ni ö nyïïatwiel maalli mar Jwøk, na näk cäädha nyïm lwaa Icriel, ni paany ree ni ci ŋäthge; ni ö pöölö ni daak ree nyïmge ni cuŋŋe ŋäthge,

Bwøth Wøk 33:2

'Ba nyïïatwiel maal ojääŋŋa nyïmï, ni riemma jø Keenan, ki jø Amör, ki jø Këth, ki jø Përec, ki jø Ëwi, ki jø Jeebuc.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 31:4

Kiper Wuuö Jwøk aköö ki aani, ni «Kaawat man wø bëëde ni ŋuu mo teek märö bäät cam mare, ni kany wø ö jø kwaathi wø cøørge dëëtge ki man cige baŋ gø na aciel, ba lwäyi ki döötge, ni ba bwøk ki dïlweel marge, aani na Wuuö Jwøk, a na wïth jammi bëët, a öö naa këëda ki jø wø bëëdö bäät Kïn Dhayan jï kuna en bäät thuur.»

Aydheea 33:24

'Ba kar kaaca, bäŋ ŋat mo ena Dhayan mo köö, ni «Aani dëëra da täw.» 'Ba jiy mo wø bëëdö yie raay moge di wëënnö.

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Jeremaya 27:10

Kiper ge køpa luup tööt jïïu; ki køør luupögø u di daa ni cou kany mo kare bäär ki ŋöömö maru, ni beeye aani noo riem u wøk, ni thøwu kaace.

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Odheea 12:3

Geni kwarge ma Jeekap kanya en ec, opuny tier coki amaae; 'ba kanya nywøli na døøŋŋe, ena ŋäbö ki Wuuö Jwøk.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Jool 3:10

Thääthu jap puur mou no opëëlle, ni ö jap goor wïth jenni mou ni thääthu ge na tøøŋi; ni ö ŋata jääk ni cøm cwïnye ni ŋwöe, ni «Aana dïcwøø mo teek.»

Ciik Kiper Dïlämme 26:8

Jiy abïïc dïïu nyïïmän ma dïpa riemge riemmø, ni ö jiyi ma dïpa ni riemge nyïïmän ma kume apaar, ni put nyïïmänni mou päth ceŋŋu dhi tøŋ maru.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Mikiya 7:16

Køøre oraŋ wïth juurre ni lää wïthge, kanyo jootge gø ni teek marge bäŋ gïn mo kønye, ni bëëtge ni ceŋge ege maa dhøkge, ni ïthge ba wïnyö.

Mikiya 7:8

Wui nyïïmän mowa, kär yïthu mïnnö bäätwa, wa na jø Icriel! Këël wa doo pädhö, wa poot duua maal, ni këël wa doo bëëdö yi muudhö, Wuuö Jwøk poot bëëdö na tar marwa.

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Dhekaraya 2:5

'Ba aani ki dëëra, a na Wuuö Jwøk, aano tïmö kaamar kiir jïre mo bëëdö ni caala maac deŋŋe, ni tïma ni aana ajiem mano en yie.›

Dhekaraya 9:14

Kar kaace Wuuö Jwøk ree onyoodhe bäät jiye ki man køny geni, na atheerø mare nadaaŋ kaamar agaackøth. Kwäärö Wuuö Jwøk tuuŋ okoodhe, ni wëëk atuunna kwönnö ni teek ki jï løø tier-piny.

Dhekaraya 9:8

'Ba aani ŋöömö mara ogwøa, nee bäŋe jø leny mo ŋutö ki yie wala mo duuö ki yie. Bäŋ jø dïïm mo ö kuna caarge jiya këët, kiper ennø a nut naa kurö.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 11:34

na jwöc mäc mo døøŋŋø, na bøth dhøk opëëlle, na tïïc ni ge teek ki ri jäk, ni tïmge na atïëte mo tøŋ, ni riemge lwaa lenye mo juurre.

Jøcua 23:10

Dhaanhø aciel dëëtu jiy ma kuma di riemmø, kiper beeye Wuuö Jwøk na näk Jwøu na bëëdö ni këëdö kiperu, kaawat mana nø caan gø jïïu.

Mana Nyooth 22:13

Aana Alpa ni näga Omëëga, ni näga dïkwøŋ ni näga aŋuudi, ni näga wïlöölö ni näga cuŋŋe.

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»