Dhekaraya 12:5 - Wëël Jwøk

⁵ Køøre dïbwöthe mo Juuda geno cäänö ki cwïnyge ni köge, ni ‹Jø Jerucalem gena jïtö ki teek ki køør mana tïïc Jwøki, kiper Wuuö Jwøk, eni na wïth jammi bëët, beeye Jwøk marge.›

Dhekaraya 12:5 Iomraidhean Croise

Dut Pwøc 144:1

Dut Pwøc 46:1

Aydheea 1:10

Wui, u na bwöthe mo Jerucalem, ki jø Juuda, u ni bëëtö maru caala bëët jø Cødam ki jø Gømöra, Wïnynyu luum Wuuö Jwøk, ni cegu ïthu ki pwöc mar Jwøk marø,

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 28:6

Eno tïmö ni ena jwïëy man wø cïp ŋøl luup ma adïëri jï jø wø en ŋøl luupi ceŋge, ni tïme ni ena teek jï jø wø dwøk jø leny wøk ki dhi kiir.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 32:1

Neennu, nyeya mo käära jiy ki jöör adïëri oööi, ni ö kwääri ni käärge paac ki jöör ŋøl luup ma kare.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 60:17

Aani, a känna baŋï ki warkey, na kar nywïënyö ma jwïël, a känna baŋï ki gwel-bïrö, na kar nywïënyö jaak, a känna baŋï ki nywïënyö ma jwïël, na kar jaath, ni känna baŋï ki nywïënyö, na kar kïte. Bëët-mëër tïïa tïïö na gïn käär akwöma marï ki gø, ni tïïa bëënynyö na gïn bwøth ïïni.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Dhekaraya 10:12

'Ba a na Wuuö Jwøk, geno mooa ki teek, ni ö geni ni bëëtge ni ge wøøra nyeŋŋa.» Manøgø bee dwør Wuuö Jwøk.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 12:4

Wuuö Jwøk aköö, ni «Dïcäŋöca, aani, okwëëc leny bëët mo nyïïmän geno wëëga lwär, ni ö jiyi moa cäädhö ki bäätge ni wëëga ge bøølø. 'Ba aani, dhi øt Juuda koora koorø døc ni waŋa yaa këël ree. 'Ba okwëëc leny bëët mo wïth juurre ge tïïa tïïö na cööye.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 14:14

Jø Juuda thuwø geno këëdi ni ge gwøga Jerucalem, ni ö jap kwär mo wïth juurre bëët moa en deŋge ni cooŋge ge ni thööth døc, ni beege warkey, ki gwet-bïrö, ka abïïe.

Pïëmme 5:9

«'Ba ennø, cwïnya atïmö ni met ki u na kwääc lwaae mo jø Icriel, ki u na cïp dëëtu ki met ec, na ci baŋ leny kiper jø Icriel; beerra man pwøyu Wuuö Jwøk.