Dhekaraya 12:4 - Wëël Jwøk

⁴ Wuuö Jwøk aköö, ni «Dïcäŋöca, aani, okwëëc leny bëët mo nyïïmän geno wëëga lwär, ni ö jiyi moa cäädhö ki bäätge ni wëëga ge bøølø. 'Ba aani, dhi øt Juuda koora koorø døc ni waŋa yaa këël ree. 'Ba okwëëc leny bëët mo wïth juurre ge tïïa tïïö na cööye.

Dhekaraya 12:4 Iomraidhean Croise

1 Nyeye 8:29

Raŋ Øt Jwøk man ki waŋcäŋ ki wäär, øda kööï ni nyeŋŋï doo wøørø yie, kiper nee lam mara wïnynyï kany wø läma, a na dhaanhnhï, ni nyïma yaa luu Øt Jwøk kany.

2 Nyeye 6:14

Køøre ena jääk kaace ko okwëënyi ki jïëth leny mo wø tut okwëënyi ki jø leny mo thööth døc, ni ö jøøgø ni cige ki wäär ni cielge pääny manøgø dïër.

2 Nyeye 6:18

'Ba kanya ö jø Arammi piny baŋ Ilaaca, Ilaaca alämö jï Wuuö Jwøk ni kööe, na «A kwaya ïïni, tïïc ge na cööye.» Køøre gena put tïïc na cööye ki køør dwør Ilaaca.

2 Luup Nyeye 6:20

Beerra man raŋŋï Øt Jwøk man ki waŋcäŋ ki wäär, øda kööï ni nyeŋŋï doo wøørø yie, kiper nee lam mara wïnynyï kany wø läma, a na dhaanhnhï en, ni nyïma yaa luu Øt Jwøk kany.

2 Luup Nyeye 6:40

«'Ba ennø, ï na Jwøk mara, a kwaya ïïni, beerra man räŋŋï ni cegï ïthï ki lam man wø lam kany.»

2 Luup Nyeye 7:15

Ennø, a bëëdö ni nyeŋŋa yaa jabø ni ö ïdhi 'moa ni bëëtge ni yaa ciiø kiper lam man wø lam kany.

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Aydheea 37:17

Wui, Wuuö Jwøk, cek ïthï, ni wïnynyï lam mara. Wui, Wuuö Jwøk, jap nyeŋŋï ni räŋŋï; ni wïnynyï luup bëët mo Cenakerëp nyeny Aciria, na jääŋ jiy nee ï pääde, ï na Jwøa kwøw.

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Edhikiel 38:4

Ïïno dwøga køørï, ni gäna ïïni ko obïth ki tiet nyämme moï, ni tuuda ïïni wøk ki jø leny moï na thööth, ko okwëëc lääy moï, ki jø leny moï mo wø këëdi ki bäät okwëënyi, ni beege jiy bëët moa näk oruyö ki kööt leny, ni beege jø wø këëdi ki kööt leny moa therø ki moa døøŋŋø, ni ge käädö ko opëëlle.

Edhikiel 39:20

Uuno jäŋ ya akaaŋ mara ki rïŋ okwëëc lääy, ki rïŋ jø wø këëdi ki bäät okwëëc lääy, ki rïŋ dëët cwøw moa teek, ki jø leny bëët.» Luummögø caana aani, a na Kwäärö Wuuö Jwøk.

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Dhekaraya 12:11

Dïcäŋöca oduuru mano en Jerucalem otïmö ni dwøŋ døc ni caala oduuc jø Adat-Rimmön mana jwøkge pwöl paana cwøl ni Megidø.

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Dhekaraya 12:5

Køøre dïbwöthe mo Juuda geno cäänö ki cwïnyge ni köge, ni ‹Jø Jerucalem gena jïtö ki teek ki køør mana tïïc Jwøki, kiper Wuuö Jwøk, eni na wïth jammi bëët, beeye Jwøk marge.›

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 14:15

'Ba ajäl täw mo caala manøgø thuwø ööa bäät lääc paac mo nyïïmän kuna 'näk ge, ni beege bäät okwëëc lääy, ki gääŋŋe, ka athïrööle, ka arëëni, ki bäät lääc paac bëët moa en yïth twëëre moge.

Dhekaraya 9:8

'Ba aani ŋöömö mara ogwøa, nee bäŋe jø leny mo ŋutö ki yie wala mo duuö ki yie. Bäŋ jø dïïm mo ö kuna caarge jiya këët, kiper ennø a nut naa kurö.

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Tiet Ciik 28:28

Wuuö Jwøk u di jäälö, ni mooc uuni ki bøølø ki cöörö ki lwär mo päl.