Dhekaraya 12:3 - Wëël Jwøk

³ 'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Dhekaraya 12:3 Iomraidhean Croise

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Mikiya 5:15

'Ba aani, ki køør wëër mara na dwøŋ, wïth juurre moo ba wïny mara, marge dwøga dëëtge.»

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Abakuk 2:17

Kiper gïna raac na tïïyï dëër lur Libaanø di coolø dëërï, ki mana raanynyï lääy ni wëëgï ge lwär, kiper mana kønynyï rem jiy piny, ni tïïï ki gïï mo leth yi ŋöömö, ki yïth päänye, ki dëët jiy moa bëëdö yïthge.

Jepaniya 3:19

'Ba dïcäŋöca, jiy bëët moa caar uuni jääla jäälö; 'ba puudhi okønya, ni cooŋa jøøa no okeethø na mak ki tøŋ, ni mooa geni ki pwøc ki wödö bäät piny bäre na kar lään wïc marge.

Agëë 2:22

Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Dhekaraya 12:11

Dïcäŋöca oduuru mano en Jerucalem otïmö ni dwøŋ døc ni caala oduuc jø Adat-Rimmön mana jwøkge pwöl paana cwøl ni Megidø.

Dhekaraya 12:4

Wuuö Jwøk aköö, ni «Dïcäŋöca, aani, okwëëc leny bëët mo nyïïmän geno wëëga lwär, ni ö jiyi moa cäädhö ki bäätge ni wëëga ge bøølø. 'Ba aani, dhi øt Juuda koora koorø døc ni waŋa yaa këël ree. 'Ba okwëëc leny bëët mo wïth juurre ge tïïa tïïö na cööye.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Dhekaraya 14:13

Dïcäŋöca lwär mo dwøŋ mo käla baŋ Wuuö Jwøk ööa bäätge; ni ö ŋati man nø ni gam cer watge, ni ö manni nø ni tïŋ cere maal bäät watge ni ge pööta rege keerge.

Dhekaraya 14:6

Dïcäŋöca otïmö ni bäŋ tar, 'ba beeye lwøc mo cøl;

Mathiew 21:44

['Ba ŋato päth bäät kïnnögø opøti ni tïme na thäŋi. 'Ba noo näk mo pätha bäät dhaanhø, ŋatøca oŋiidhe.]

Luk 20:18

'Ba jiy moo päth bäät kïnnögø otøyi ni tïmge na thäŋi. 'Ba noo näk mo pätha bäät dhaanhø, ŋatøca oŋiidhe.»

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.