Dhekaraya 12:12 - Wëël Jwøk

¹² Jiy moa en ŋööm paac bäre geno kïmmi, jø dhi øtø man nø geno kïmmi keerge; jø dhi øt Deebit geno kïmmi keerge, ni ö määrge ni kïmge keerge; jø dhi øt Nathan geno kïmmi keerge, ni ö määrge ni kïmge keerge;

Dhekaraya 12:12 Iomraidhean Croise

2 Camiel 12:1

'Ba dïcäŋ aciel Wuuö Jwøk, Nathan na näk nyikuŋ Jwøk ajääŋŋe baŋ Deebit. Ni ö Nathanni ni ci baŋ Deebit ni cääne ki eni ki luup mo keda leer, ni kööe jïgø, ni «Da jiy ariiø mo bëëdö paac aciel; dhaanhø aciel okwär, ni dhaanhø maya can.

2 Camiel 5:14

'Ba nyeŋ obwöre moa nywøl Deebiti kanya bëëde Jerucalem beege Cimia, ki Cöbap, ki Nathan, ki Cølöman,

Bwøth Wøk 12:30

Ni päny Peerø maal ki dï wäär, ni bee eni, ki jø kööre moe, ki jø Ijep bëët; ni tïm oduuru ni päl døc dï Ijep, kiper mana tïme ni bäŋ paac mo obøth ni bäŋ dhaanhø mo othøw yie.

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Jeremaya 31:18

«Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jool 2:16

ni cooŋŋu jiy, ni cïbu jø acooŋa kur keerge, nou cooŋa jø døøŋŋø kanya ciel, ko obwöre, ki moa mar na näk poot dhøøth kööthi. Beerra man ö cø dhaagø thiinh ni wec øde, ni ö dhaage thiinhnhi ni wec kar bëëtö mare.

Dhekaraya 12:11

Dïcäŋöca oduuru mano en Jerucalem otïmö ni dwøŋ døc ni caala oduuc jø Adat-Rimmön mana jwøkge pwöl paana cwøl ni Megidø.

Dhekaraya 12:13

jø dhi øt Libay geno kïmmi keerge, ni ö määrge ni kïmge keerge; jø dhi øt Cimiy geno kïmmi keerge, ni ö määrge ni kïmge keerge;

Dhekaraya 7:3

ni ge cäänö ki dïlämme mo wø tïïö Øt Wuuö Jwøk, eni na wïth jammi bëët, ki nyïïkuk Jwøk, ni köge, na «?Aŋø, wa doo bëëdö ni wa kïmmö ni wa tïïya wödö mar kwier cam ki dwää abïïc, kaawat mana bëëtwa ni wa tïïya gø ki yïth cwiiri moa thööth na pöödhö?»

Mathiew 24:30

Kanyøgønø, ŋïï mar Wär Dhaanhø onëëni maalø, ni ö jø pinynyi bëët ni kïmge, ni ö geni ni neenge Wär Dhaanhø ni öö ki bäät pøøl mo maal ni jïre da teek ka ajiem mo dwøŋ.

Luk 3:31

Eliekim o Meleea, Meleea o Menna, Menna o Matatha, Matatha o Neethan, Neethan o Deebit,

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.