Dhekaraya 12:10 - Wëël Jwøk

¹⁰ «Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 12:10 Iomraidhean Croise

Wïlöölö 45:1

Kanyøgøøni kär løny jï Jocep ki man mak cwïnye këët buut jøøa cuŋŋö buute, ni ö eni ni tïŋ dwøre maal døc ni kööe, «Beerra man aac jøwi buuta bëët.» Ni aac jiyi bëët, ni bäŋ dhaanhø mør mo dööŋ buute. Køøre dëëre acaane jï uutwänni.

Wïlöölö 45:2

Ni jwöŋe ni dwøre ena maal døc, ni wïnynyi ya jø Ijepi, ni caani jï jø po Peerø.

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Pwöc Leec Wïc 4:3

Kanya bëëda ki wära ni aana nyilaal, naa thiinh, ni waŋ mera ena bääta keera,

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Jeremaya 31:19

Kiper ki køør mana gaawa wøk, rewa acäŋwa løgø; ki køør mana pwöny waani, kööthwa agøøcwa; nyeŋwa atïmö ni law ni lää wïthwa, kiper ajøøŋ mar gïïa tïïcwa dïkwøŋ ena bäätwa.› »

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Edhikiel 20:43

Uuni, wïthu parru parø kaace ki bëëtö maru mana bëëdu ki gø ki japa reyø bëët na raanynyu dëëtu ki ge, ni putu dëëtu jääl ki køør japa reyø bëët na tïïyu.

Edhikiel 37:14

Aani jwïëya okïtha dëëtu ni kwøwu, ni kïtha uuni yi ŋöömö maru. Kar kaace nø, ŋäyu ŋääö ni bee aani na Wuuö Jwøk na caan luummögø na tïïc gø.› Luummögø caana Wuuö Jwøki.»

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Kwään Jiy 21:9

Ni ö Modhe ni tïïe ki thwör jwïël ni lïër gø bäät jaath mo ocwöth piny; ni ö jøøa näk okaac thwöre bëët ni jïtge ki køny kanya neenge gø.

Mathiew 24:30

Kanyøgønø, ŋïï mar Wär Dhaanhø onëëni maalø, ni ö jø pinynyi bëët ni kïmge, ni ö geni ni neenge Wär Dhaanhø ni öö ki bäät pøøl mo maal ni jïre da teek ka ajiem mo dwøŋ.

Mathiew 26:75

Ni ö Piterri ni par wïïe ki gïna caan Jecu, ni «Dïwääni ni gwienø poot kär köök, riï mooŋï mooŋø ki aani ki kwöre adäk naa kuyï.» Ni ci wøk ni jwöŋe ni keeya yie.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Moa Tïïc Nyïïatwieli 10:45

Ni ö jøøa näk ojïëy dï jøøa näk odaŋø na öö ki Piter na aciel, ni thäŋ yïthge kiper na wëëk Jwïëc Jwøk na en kur keere juurre thuwø.

Moa Tïïc Nyïïatwieli 11:15

'Ba kanya täga ki cäänö, Jwïëc Jwøk na en kur keere aö bäätge, kaawat mana kwøŋ ö bäätø.

Moa Tïïc Nyïïatwieli 2:17

«ni ‹Jwøk aköö ni ki yïth nïne moo näk aŋuudi, Jwïëya okïtha bäät jiy bëët. Ni ö wäätu ki nyïïu ni køpge dwøra, ni ö wøpe mou ni neenge jammi moo en yi nyïm mo wø nyooth ki yi wïc, ni ö jäle mou ni läkge ki lääk.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 2:37

'Ba na wïnyge luummögø, cwïnyge abwøk, ni köge jï Piter ki nyïïatwieli møga, «?Nyïïmëëkwa, agïnaŋø noo tïïcwa?»

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Wëëlö Mana Göör Pøølli Baŋ Jø Röm 8:26

Kaawat manøgø thuwø, Jwïëc Jwøk wø kønya øøni kiper mana jägø. Kiper lam mana døø lämö ki gø kuuø. 'Ba beeye Jwïëc Jwøk ki dëëre ni wø kwääö kiperø nyïm Jwøk, ni eni jwöŋö ki cwïnye bäre ki dwøl mo ba maar caan ki dhøk.

Epeca 6:18

Lämu cooth ki ri Jwïëc Jwøk, ki teeŋ laam bëët ki kwac. Kiper manøgønø, bëëdu ni nyeŋŋu you jabø ni dëëtu you gwøø, nou kwaaya Jwøk kiper jø Jwøk bëët,

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Juut 1:20

'Ba u no omëëya, tëënnu ki ri ŋäädhe maru na en kur keere na pere letha eni ki cwïnynyu bäre, ni lämu ki ri Jwïëc Jwøk na en kur keere.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

1 Camiel 7:2

'Ba acanduk mar Wuuö Jwøk abëëdö Kiriat-Jeerim ki kany mo bäär, mo jïtö ki cwiiri ma pïërariiø; ni ö jø Icrielli bëët ni jwöŋge dëër Wuuö Jwøk kiper køny.