Dhekaraya 11:7 - Wëël Jwøk

⁷ Kiper manøgønø, pïïth dïëk moa no omooø ki ŋïï kiper ŋaal agwøa, ni beege dïëk moa näk ocännö døc. Køøre aana lwötö ka athøre ariiø, ni caa nyeŋ mana dïkwøŋ ni Mëër, ni ö nyeŋ maya ni caa gø ni Dwätö; ni puta pïïth dïëk gwøk.

Dhekaraya 11:7 Iomraidhean Croise

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 39:10

'Ba Nabucaradan kwääc jø koor, jø møøk moa can døc na näk jïge bäŋ jammi awii yi ŋööm Juuda, ni put geni møyø ki pwöth omøki ki pwöth beel kar kaace.

Ciik Kiper Dïlämme 27:32

'Ba paac wïth dhäk, ki paac wïth dïëk, ni beege paac wï lääy man nø mana näk okwään wøk, paacge ena kur keere na mar Wuuö Jwøk.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Dhekaraya 11:14

Køøre riet athøra mara mana näk nyeŋŋe cwøl ni Dwätö alwøra ni toora gø; ni manøgø nyootha ränynyö mar dwätö mana en yïthakic jø Juuda ki jø Icriel.

Dhekaraya 11:4

'Ba Wuuö Jwøk, Jwøk mara, luumma caane jïra beeye en, ena köö, ni «Gwøk pïïth dïëk moa no omooø ki ŋïï kiper ŋaal.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Maak 12:37

Eni, ena cwøl Deebiti ki dëëre ni Kwäärö. ?Ena dee cäŋ tïmö na wääde nidïï nø?» Ni ö lwaaøgø ni päl enø ni wïnyge dwøre ni mïn yïthge.

Jøøn 10:16

'Ba jïra da dïëk møøk mo tøør ri pïïth man. 'Ba geni käla kälö thuwø, ni wïnyge dwøra. Køøre geno tïmö na pïïth aciel ki dïkwääy aciel.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

1 Camiel 17:40

Kanyøgønø, Deebit athønynye aput lwør, ni jëëte ki nyeŋ kïte abïïc mo pøøth yi naam, ni kïth ge yo opïr mare, ni beeye teeŋ opïr man wø käär jø wø kwaac dïëk, ni kwany gïr leny mo tïïc ka kaw man wø thöör ni di wïrö ni kïdi ena yie; ni ci baŋ nyï Pilitin manøgø.

1 Camiel 17:43

'Ba nyï Pilitin manøgø aköö jï Deebit, na «?Aŋø, aana gwök na ööï baŋa niï käära athøra en?» Ni ö nyï Pilitinni manøgø ni cääne ki luup acïëni dëër Deebit ki nyeŋ juu moge.