Dhekaraya 11:5 - Wëël Jwøk

⁵ 'Ba jø wø ŋeew ge wø ŋaalge ŋaalø ni putge aay ni dëëtge bäŋ ajäla. Ni ö jøøa gath ge ni köge, ‹Waana kwär! Pwøc en jï Wuuö Jwøk!› 'Ba dïkwääye moge cwïnyge ba pädhi ki gïrge.

Dhekaraya 11:5 Iomraidhean Croise

2 Nyeye 4:1

'Ba da dhaagø røk mään mo lwaa nyïïkuk Jwøk moa therø ma ajwöŋö dëër Ilaaca ni kööe, ni «Dhaanhnhï ma cwøra athøw, ni ŋäyï ni eni bëëdö ni lwäär ki Wuuö Jwøk. 'Ba ennø, ŋat pïïdö aöö nee obwöre'moa moa na ariiø käle nee tïmge na laaŋe moe.»

Neemiya 5:8

Køøre aana köö jïge, ni «Waani, ki køør mana løny jïwa, nyïïmëëgø ma jø Juuth moa biel dëëtge na laaŋe baŋ wïth juurre, gena wïïlwa wøk. ?'Ba ennø, u cäŋa nyïïmëëgu ma jø Juuth tïïyö nee dëëtge bielge, nee cäŋwa wïïl wøk?» 'Ba geni, gena lïŋö kiper bäŋ luubö mo ege joodø nee caange.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›

Edhikiel 34:10

man beeye luumma caan Kwäärö Wuuö Jwøki, ena köö, ni ‹Dïkwääc dïëk ge jääla jäälö, ni puta dïëk 'moa lwør ceŋge, ni tïïa geni nee dïëk ba kwaacge këët, ni put tïmö ni bäŋ dïkwääy mo caama dëëre rege këët. Pïïth dïëk 'moa ge gwøa gwøø dhøkge, nee ba tïme na cam jïge këët.›

Edhikiel 34:21

Kiper mana bëëdu nou caala dïëk mo dëëtge cööcge cööyö ki göökge, ni dëëtge gïïnge gïïnnö, ni cööpge moa no oööl ki tuŋi, këël man wø putge keethø,

Edhikiel 34:6

Pïïth dïëk 'moa gena thääyö bäät kïte bëët, ki bäät thuuri moa bäyö bëët. Gena keethø bäät piny bäre ni bäŋ ŋat moo many geni›.

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Odheea 12:9

Wuuö Jwøk aköö, ni «Aana Wuuö Jwøk, Jwøk maru, na käl uuni wøk ki Ijep; u tïïa tïïö nou cäŋu bëëtö yïth oduŋkaare, kaawat mana wara wøørru ajwöm mou.

Amøc 2:6

Wuuö Jwøk aköö na ennø, ni «Kiper mana ö jø Icrielli na kaathge bääyö marge, a ba døø ŋääa ki man jääla geni, kiper ŋata beer wø gathge gadhø kiper pïïn gwel, ni gathge ŋata can kiper pïïn war.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Jøøn 10:1

'Ba Jecu aköö, na «Adïëri møn, a caana gø jïïu, ni ŋat wø ba dønyi ki dhi kal mar dïëk, 'ba eni edhi ka jöö mør, ŋatøgø beeye kuu ni näk dïtwïëdi.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Mana Nyooth 18:13

ki wïth jer wø kïth yi kadø, ki gïï wø jïcge ŋwääi ni met, ki teeŋ mädhi mo wø ŋwääi ni met, ki kwøk nyïïomøki, ki mädhi, ki muunni ma twaye, ki beel, ki dhäk, ki dïëk, ko okwëënyi, ki jïëthe mo wø tut okwëënyi, ki laaŋe, këël jwïëc jiy.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.