Dhekaraya 11:16 - Wëël Jwøk

¹⁶ Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.

Dhekaraya 11:16 Iomraidhean Croise

Wïlöölö 31:38

Cwiiyi na pïërariiø bëët ii abeeda ki ïïni; mädhi mo rööm moï ki mädhi mo atëëe moï bäŋgø mo obwön wøk ri nywøl marge, ni bäŋ nywø røømmø mo ya lwørø ri pïïth dïëk moï nee cama.

Wïlöölö 33:13

'Ba Jeekap aköö jïgø, ni «Ŋäyï, ï na kwäärö mara, no obwöre therø, ni ŋäyï ni dïëk ki dhäk moa näk nyoori poot raŋŋa jïra. Ni ni näk mo ge di kwørø døc këël dïcäŋ aciel keere, ge puta thøø bëët.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Edhikiel 34:10

man beeye luumma caan Kwäärö Wuuö Jwøki, ena köö, ni ‹Dïkwääc dïëk ge jääla jäälö, ni puta dïëk 'moa lwør ceŋge, ni tïïa geni nee dïëk ba kwaacge këët, ni put tïmö ni bäŋ dïkwääy mo caama dëëre rege këët. Pïïth dïëk 'moa ge gwøa gwøø dhøkge, nee ba tïme na cam jïge këët.›

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 34:21

Kiper mana bëëdu nou caala dïëk mo dëëtge cööcge cööyö ki göökge, ni dëëtge gïïnge gïïnnö, ni cööpge moa no oööl ki tuŋi, këël man wø putge keethø,

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Jøøn 10:1

'Ba Jecu aköö, na «Adïëri møn, a caana gø jïïu, ni ŋat wø ba dønyi ki dhi kal mar dïëk, 'ba eni edhi ka jöö mør, ŋatøgø beeye kuu ni näk dïtwïëdi.