Dhekaraya 10:6 - Wëël Jwøk

⁶ «Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 10:6 Iomraidhean Croise

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 54:4

«Kärï lwäyö, kiper wïïï ba wëëk lääö këët; kär wïïï laay, kiper wïïï ba lääy. 'Ba wïïï owïl ki laac wïc mar thïnhö marï, ni ba parï wïïï këët ka ajøøŋ mana pïï dëërï ki køør mana bëëdï kaamar cï thøø.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:20

Nyïïkwaac Jeekap obëëdö ki bëëtö mo caala mana dïkwøŋ, ni tïmge na lwaak mo tietge yaa këël piny nyïma; ni jääla jø wø caan geni bëët.

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Jeremaya 31:31

Wuuö Jwøk aköö, ni «Ka adïëri møn, da nïne mo öö, maa tudö ki luubö mo nyään ki jø Icriel ki jø Juuda,

Edhikiel 36:11

Jiy ki lääc paac kwäänge omeeda yiï, ni wëëga ge nyöödö ni nyaacge ni thööth døc. Jiy owëëga bëëtö yiï kaawat mana bëëtge dïkwøŋ, ni tïïa bëëtö marge ni beer ni kaala mana dïkwøŋ. Køøre nø, oŋäyï ni bee aani na Wuuö Jwøk.

Edhikiel 36:37

«'Ba man beeye luumma cäŋ Kwäärö Wuuö Jwøki caannø, ena köö, ‹Aani thuwø, jø Icriel ge tïïa tïïö naa pëënyge kiper nee gïn tïïa jïge: Jiy moge meeda meedø nee tïmge kaamar pïïth dïëk,

Edhikiel 37:16

«Wär dhaanhø, lwötï ka athøra aciel ni göörï luubö man bääte, ni kööï, ni ‹Man beeye kiper Juuda ki jø Icriel moa näk odwätö ki eni.› Køøre wärï cäŋ lwötö ka athøra mør ni cäŋï luubö man göör bääte, ni kööï, na ‹Athøra mar Ipariem beeye mar Jocep ki jø Icriel bëët moa näk odwätö ki eni.›

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Odheea 2:23

Jiya ma jø Icriel tietge okëëlla piny ni teek yi ŋöömö. Bäth ec mara onyoodha jï jøøa näk bäth ec kär nyoodhø jïge, ni kööa jï jøøa näk patha jiya, ni ‹Uuna jiy 'moa!› Ni köge jïra, ni ‹Ïïna Jwøk marwa!› »

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Mikiya 4:6

'Ba mana caan Wuuö Jwøki beeye en, ena köö, ni «Noo tïme na dïcäŋece, aani, ŋööte cooŋa kanya ciel, ni lema jiy moa no ojarø, ki moa näk bäätge yaa kïthö ki gïï mo leth.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Mikiya 7:16

Køøre oraŋ wïth juurre ni lää wïthge, kanyo jootge gø ni teek marge bäŋ gïn mo kønye, ni bëëtge ni ceŋge ege maa dhøkge, ni ïthge ba wïnyö.

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 10:12

'Ba a na Wuuö Jwøk, geno mooa ki teek, ni ö geni ni bëëtge ni ge wøøra nyeŋŋa.» Manøgø bee dwør Wuuö Jwøk.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:11

'Ba aani, a na Wuuö Jwøk na en wïth jammi bëët, a caana gø jïïu ni teeŋ gïna tïïa røk nïne moa pöödhö, ba tïïa këët dëët thäk jiy moi no odööŋ ni kwøw en.

Dhekaraya 9:16

Wuuö Jwøk, Jwøk marge, geno pieme dïcäŋöca kaa man wø ö dïkwääyi wø piem dïëk moe cer gïn mo raac; kiper geno tïmö ni ge mïërö yi ŋöömö mar Wuuö Jwøk kaamar nyeŋ kïte moa perge leth ni wø en dëër aduda.