Dhekaraya 10:4 - Wëël Jwøk

⁴ 'Ba dïbwöthe mo bëëdö kaamar kït gøøt, ki mo bëëdö kaamar mucumääre mo wø gur oduŋkaara piny ki ge, ki mo bëëdö kaamar atheerø mar leny, ki teeŋ dïbwöthe møga bëët, di joodø ki røk jø dhi øt Juuda.

Dhekaraya 10:4 Iomraidhean Croise

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

Edhera 9:8

«'Ba ennø, ki kany mo thiinh, ï na Wuuö Jwøk, Jwøk marwa, mëër marï anyoothï, ni weyï waani na mo dööŋ ni kwøw, ni këëllï tietwa piny ki køør øtø marï man ni en kur keere en, nee ï na Jwøk marwa, dëëtwa tïïyï nee nigethïk, ni mooyï waani ki nyi kwøw mo thiinh yi laŋ man bëëtwa yie en.

Aydheea 19:13

Kwääri mo Dhöän gena tïïö ki jap bøøl, ni ö kwääri mo Mempic ni maaŋ wïthge; ni ö dïbwöthe mo wïth tuŋi moge na caal kïn gøøt ni bwøthge Ijep ki jöö mo ba thïïŋ.

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 49:2

Wuuö Jwøk luup mo wø ö wøk ki dhaa atïïe kaamar opëëllö mo beth, ni ö eni ni kan aani tïm cere. Ni tïïc aani kaamar atheerø mo ojiedhø, ni put aani kan yi køp mar athëëre.

Aydheea 54:16

«Ka adïëri møn, bee a ki dëëra na tïïc rëëmmö man wø thääth jap leny, ni wø wëëk nywïëny ciek ki maac mo kwadhe ko opïri; ni bee a na tïïc ŋat wø räänyö, nee räänye.

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 51:20

Wuuö Jwøk aköö, ni «Ï na Babiløn en, ïïna tïïa ni ïïna guduum mara na gïr leny mara; beeye ïïni na raanynya wïth juurre ki riï, ni beeye ïïni na raanynya akwöm mo nyeye ki riï.

Dhekaraya 9:10

Jïëth leny mo wø tut okwëënyi mo Ipariem, ko okwëënyi mo leny mo wø en Jerucalem, otïïa ni bäŋ tïïc ceŋge, ni tøya tøøk leny bëët. Nyeya manøgø öö kuna køp mëër jï jiy bëët, ni käär piny ni tägi ka jï løø kur tuul-cäŋ, këël mano këët jï løø kur pänh-cäŋ, ni cäŋ tägö ki Naam Upareeti këël cuŋ piny.

Dhekaraya 9:8

'Ba aani ŋöömö mara ogwøa, nee bäŋe jø leny mo ŋutö ki yie wala mo duuö ki yie. Bäŋ jø dïïm mo ö kuna caarge jiya këët, kiper ennø a nut naa kurö.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Mathiew 9:38

Kiper manøgønø, kwaayu Wää pwöthögø no ociek enø, nee jääk yi pwödhö mare ki jø tïïc.»

Luk 20:17

Ni raŋ jïge, ni kööe, na «?A luummi no ogöörö na ennø en, tiere agïnaŋø? «ni ‹Kïdi mana kwier dïgëëte, atïmö na kïn gøøt mana pere letha eni na mak øtø.›

Epeca 2:20

Ni uuna øtø mo ogeer bäät nyïïatwieli ki nyïïkuk Jwøk, ni ö Krictø Jecu ki dëëre ni näk kïn gøøt mana mak dëër ødøgø,

2 Timöthi 2:4

Kiper ŋat leny wïïe bäŋ wø maaŋŋe ki tïïe møøk, kiper mano këël wïïe ri tïï ŋata kïth gø yi tïïc ni døøya yi gø mo met.

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

1 Camiel 14:38

'Ba Cøøl aköö jï kwääc lwaae, ni «Uuni bëët u na kwääc lwaae, nyänhnhu kany mo cään nee bääyö man no otägö dïcäŋi en nee tiere manynyu ni jootu gø.