Dhekaraya 10:3 - Wëël Jwøk

³ 'Ba Wuuö Jwøk aköö, ni «Aani, gootø mara liel kaamar maac bäät dïbwöthe. Dïbwöthe jääla jäälö; kiper a na Wuuö Jwøk na en wïth jammi bëët, pïïth mara gwøa gwøø, ni beege jø dhi øt Juuda, ni tïïa ge kaamar okweeny leny man wø ŋwöö ki gø ri leny.

Dhekaraya 10:3 Iomraidhean Croise

Jööp 39:25

'Ba noo wïny dwør tuuŋ mar leny, eni puta twäätö, ni ŋwääc leny ni kare poot bäär, ni wïny dïŋaŋ mar kwääri mo leny.

Bwøth Wøk 4:31

Ni ö jø Icrielli ni ŋääthge; 'ba kanya wïnyge gø ni Wuuö Jwøk alïïmmö baŋge ni joot caannø marge, wïthge akuulge piny ni wøørge gø.

Pwöc Leec Wïc 21:31

Okweeny wø di jiiŋŋø kiper cäŋ leny, 'ba böödö wø ena baŋ Wuuö Jwøk.

Obeec Dudi 1:9

'Ba ki baŋa, ï no omëëya, ï caala okweeny ma maath mo ena dï okwëëc leny ma thwönhi mo Peerø.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Jeremaya 10:21

Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 11:22

Kiper manøgønø, mana ŋøl Wuuö Jwøki, eni na wïth jammi bëët, kiper jøøgø beeye en, ena köö, ni «Ennø, ge jääla jäälö. Cwøw moge moa teek onäk ri leny; ni ö wäätge ki nyïïge ni thøwge ki käc,

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 25:34

U na dïkwääye, jwöŋu ni kïmmu; u na jøøa kwörge døøŋŋø, buugu dëëtu ki bur; kiper cäŋ man ŋaal u yie aöö, ni ö uuni ni päänhnhu ni petu kaamar dak mo pere leth mo reep.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Edhikiel 34:11

«Kiper man bee luumma caan Kwäärö Wuuö Jwøki, ena köö, ni ‹Ka adïëri møn, aani ki dëëra kiree dïëk 'moa omanynya ni gwøa geni.

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Edhikiel 34:2

«Wär dhaanhø, caan luum ajäla man jï dïkwääc dïëk mo Icriel, caanï jïge ni kööï ni man beeye luumma caan Kwäärö Wuuö Jwøki, ena köö, no ‹Otïmö ni leth jï dïkwääc dïëk mo Icriel mo wø bëëdö ni ge gwøga rege keerge. ?Aŋø, tïïc mar dïkwääc dïëk, paa kwaac pïïth dïëk na bëëde?

Daniel 11:32

'Ba eni jiy moa kwier lam mar jø Jwøk di cøøgø ki luup mo pøøth ki man käl geni løøe. 'Ba jiy moa ŋäc Jwøge ge bëëdö karge ni ge teek, ni dhäthge jïre.

Jepaniya 1:8

Wuuö Jwøk aköö, ni «Yi cäŋ mano tïïa 'näk mara yie, dïbwöthe, ki wäät nyeya, ki jiy bëët moa näk dëëtge ege røønyø ka abïïk kööŋŋe mo juurre møøk, ge jääla jäälö.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»

Luk 1:68

ni «Pwøc en jï Kwäärö Jwøk, Jwø Icriel, kiper ena lïïmmö ni wïïl jiye wøk,

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

Ruuth 1:6

Køøre Naømi ki määr wääte atïŋŋö ki Möap, ni eni døøa poge, kiper awïnynye ni Wuuö Jwøk jiye ma jø Icriel akønye ni ciek caammi.