Dhekaraya 10:2 - Wëël Jwøk

² Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Dhekaraya 10:2 Iomraidhean Croise

Wïlöölö 31:19

'Ba kar kaaca Leeban oci kuna nyaar jïëc dïëk moe; ni ö Reecalli ni kwal gïï lam moa näk mo wänni.

1 Nyeye 22:17

Kanyøgø Mikaya aköö, ni «Aani jø Icriel bëët ajooda ni geno keethø bäät kïte, kaamar dïëk mo bäŋ dïkwääy jïge. 'Ba Wuuö Jwøk aköö, ni ‹Jøøi bäŋ wääge; beerra man ö ŋati man nø ni døø paare ni bäŋ gïn mo otägö dëëre.› »

Jööp 13:4

'Ba uuni, adïëri aummu ki luup tööt; uuni bëët, u caala akïïme mo bäŋ gïn kønyge.

Jööp 21:34

?Aperŋø nø ni cømmu cwïnya ki luup mo bäŋ tietge ii, ni luup mo wø løgu jïra bëët beege luup tööt?»

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Aydheea 44:9

Jø wø tëëŋö ki kït gïï wø lam, ge bëët bäŋ karge, ni jap wø perge leth jïge bäŋ gïn duuge, ni këël jiy moa køp ni tiet gïïögø ŋäcge, tïmö ni gïïögø kucge, ni kärge neenø, ni put tïmö na lään wïc jïge.

Aydheea 46:5

«?Aŋa nø ni pääru a ki gø, naa tïïyu naa röömi ki eni? ?Aŋa ni tïïyu aani naa röömi ki gø nou päära aani ki eni?

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 14:13

'Ba aløøa ni kööa, ni «Wui, Kwäärö Wuuö Jwøk, neenï, nyïïkuk Jwøk moge wø köö jïge ni ïïna köö, ni ‹Bäŋ leny ki käc mo pïï dëëtu, 'ba u mooa mooø ki bëët-mëër ma adïëri kany.› »

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 27:10

Kiper ge køpa luup tööt jïïu; ki køør luupögø u di daa ni cou kany mo kare bäär ki ŋöömö maru, ni beeye aani noo riem u wøk, ni thøwu kaace.

Jeremaya 27:14

Kär luup nyïïkuk Jwøk mo wø køp luup ki wïthge wïnynyu, jø wø cäänö ki uuni, ni ‹Käru bëëdö na laaŋe mo nyeny Babiløn,› kiper ge køpa luup tööt jïïu.

Jeremaya 27:9

'Ba uuni, luup nyïïkuk Jwøk mou mo wø køp luup ki wïthge kär wïnynyu, ki luup jø adïëda mou, ki jiy mou mo wø car lääk, ka ajuuk mou, ki jiy mou mo wø thöödhö ki war, jø wø cäänö ki uuni, ni «Käru bëëdö ni uuna laaŋe mo nyeny Babiløn.»

Jeremaya 28:15

Kanyøgø nyikuŋ Jwøk ma Jeremaya aköö jï nyikuŋ Jwøk ma Ananiya, ni «Ï na Ananiya en, wïny gïn! Wuuö Jwøk ï käre jääŋŋö, 'ba jiy moi atïïyï nee jïëcge ki luum tööt.

Jeremaya 29:8

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni «Uuni, nyïïkuk Jwøk mou moø ni en dïïu yøø ka ajuuk mou käru cøøkge, ni kär nou wïnynya lääk moge moa met yïthu ki ge nee ge läkge ki ge,

Jeremaya 37:19

?Aŋø, nyïïkuk Jwøk mou moa cäänö ki uuni na köö, ni ‹Nyeny Babiløn ba ö baŋu baŋ leny, ni ba ö baŋ leny paani,› geni, ge enge kaa ennø?

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 51:23

Beeye ïïni na raanynya dïkwääc dïëk ki riï, ki pïïth dïëk moge, ni beeye ïïni na raanynya jø puur ki riï, ki dhää puur moge, ni beeye ïïni na raanynya kwääri ki riï, ki jø kööre moge.

Jeremaya 6:14

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 8:11

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni «Paac beer jaak,» këël na bëëde ni bëët paac raac.

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 21:21

Kiper nyeny Babiløn kanyo ööe, eno cuŋŋi yïth agääk jïëthe moa na ariiø, ni tïïe ki nyuuthe ka athëëre, ni pëëny kït gïï wø lame, ni tïïe ki jap adïëda mo tïïc ka cwïny lääy.

Edhikiel 21:29

Kiper gïï wø kööu no onyoodhø jïïu, ki gïï wø caru beege luup tööt; 'ba opëëllö ocïp ŋut jø raay ni 'näk geni. Cäŋ maneca apïï; caa mar ajäla mana näk aŋuudi aöö.

Edhikiel 34:5

Køøre nø, gena put keethø kiper mana bäŋe dïkwääy jïge; 'ba kanya keethge gena put tïmö na cam jï lääc paap bëët.

Edhikiel 34:8

Kwäärö Wuuö Jwøk aköö, ni ‹Kaawat man bëëda naa kwøw en, ka adïëri møn, kiper mana tïm pïïth dïëki 'moa ni bäŋ dïkwääy jïge, gena put tïmö ni ge di tweeyø, ni putge tïmö na cam jï lääc paap bëët, kiper mana bëët dïkwääye ni pïïth dïëk 'moa kärge manynyø, ni tïmge ni ge gwøga dëëtge keerge ni pïïth dïëk 'moa kärge gwøø.›

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Mikiya 2:12

'Ba mana caan Wuuö Jwøki beeye en, ena köö, ni «U na nyïïkwaac Jeekap, u cooŋa kanya ciel u bëët, ni lema uuni, u na jø Icriel moo dööŋ, ni cïba uuni kanya ciel kaamar dïëk mo ena kaal, ni cuuny pinynyi ki jiy.»

Abakuk 2:18

«?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»

Kwään Jiy 27:17

ŋat mo løny jïre ki man bwödhe nyïmge, ni tïïe bëët moo tïïc lwaa Icrielli ena cere, kiper nee lwaak marï, ï na Wuuö Jwøk, nee ba bëëtge kaamar dïëk mo bäŋ dïkwääy jïge.»

Mathiew 9:36

'Ba na neen lwaak, cwïnye apädhö ki gïrge, kiper ge wïïrö jaak, ni bäŋ ŋat køny geni, ni ge bëëdö kaamar dïëk mo bäŋ dïkwääy jïge.

Maak 6:34

'Ba na ïnh Jecu wøk, lwaak mo päl ajoode, ni päth cwïnye ki gïrge, kiper na tïmge ni ge caala dïëk mo bäŋ dïkwääy jïge. Ni täge ki man pwöny geni ki luup mo thööth.

Tiet Ciik 13:2

ni kööe, ni ‹Ö aa kuna caadhø køør juu møøk, ni tïnynyø geni,› ni teeŋ ŋatøgø cäänö kaper juu mo kuyu, këël na bëëde ni ŋïï wala gïn mo rëëma ec mana cääne kipere othur kare na adïëri,

Pïëmme 18:14

Kanyøgønø, jøøa näk abïïc na kwøŋ ci kuna liew ŋööm Laaic aköö jï nyïïmëëkge, na «?Aŋø, ŋäyu ni røk uutögø, da øtø aciel mo yie da ëëput ki juuga cøøri na terapim, ki kït gïn mo otieŋø ki kït gïn mo oleenyø, ni beege gïï wø lam? Kiper manøgønø ennø, cädu kiper gïno tïïyu nø.»