Dhekaraya 10:12 - Wëël Jwøk

¹² 'Ba a na Wuuö Jwøk, geno mooa ki teek, ni ö geni ni bëëtge ni ge wøøra nyeŋŋa.» Manøgø bee dwør Wuuö Jwøk.

Dhekaraya 10:12 Iomraidhean Croise

Wïlöölö 24:40

«Køøre ena köö jïra, ni ‹Wuuö Jwøk, ŋata bëëda naa caatha køøre, nyïïatwiel maal mare ojääŋŋe ki ïïni kiper nee gïna aayï kipere wëëk thur kare, ni kännï ki dhaagø jï wääda røk tuuŋwa na näk jø po wära;

Wïlöölö 5:24

Ni ö Inøki ni bëëde ni caatha køør Jwøk, ni kär kare joodø, kiper ena lwør Jwøki.

Aydheea 2:5

'Ba ennø, u na nyïïkwaac Jeekap, ööu, nøø cäädhø ki yi tar mar Wuuö Jwøk.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Edhikiel 30:24

Teek bäädi mo nyeny Babiløn wëëga tëënnö ni cïba opëëllö mara cere. 'Ba teek bäädi mo Peerø wëëga ränynyö, ni ö Peerø nyeny Ijep ni cooye nyïm nyeny Babiløn kaamar dhaanhø mo ree da ŋwellø.

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 12:5

Køøre dïbwöthe mo Juuda geno cäänö ki cwïnyge ni köge, ni ‹Jø Jerucalem gena jïtö ki teek ki køør mana tïïc Jwøki, kiper Wuuö Jwøk, eni na wïth jammi bëët, beeye Jwøk marge.›

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Köløcia 2:6

Kiper manøgønø, putu bëëtö ree, kaawat mana jïëyu Krictø Jecu na näk Kwäärö.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.