Dhekaraya 1:8 - Wëël Jwøk

⁸ Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Dhekaraya 1:8 Iomraidhean Croise

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 46:2

Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.» Ni kö Jeekapi, ni «Aani en.»

1 Nyeye 3:5

'Ba kanya en Cølömanni Gibien, Wuuö Jwøk ree anyoodhe jïre ki yïth lääk ki wäär; ni kööe jïre, ni «Pëëny gïna manynyï nee cïba jïrï.»

Neemiya 8:15

Kanyøgø geni luubö aputge gøø piny ni keethge gø yïth mïëri moge bëët ki dï Jerucalem ni köge, ni «Uuni, cou wøk bäät thuuri ni jaaŋŋu bäät jenni mo wø nyïïge wel na maaw, ki bäät jer paap mo wø nyïïge wel na maaw, ki bøøk kääc, ki bøøk ïth tuue, ki bäät jenni moa näk onigïït piny, ni kälu geni nee ø gëëdø ka abïle ki køør mana näk ogöör piny.»

Jööp 4:13

'Ba ni aano butö døc ki niine mo dëëra kuua, aana lägö ki gïn mo cwïnya pärö ki gø,

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Obeec Dudi 6:2

Omëëya aci ya ajïniina mare, dï jenni moa näk ŋwääi ni met. Ena ci kuna kwaac pïïth dïëk moe yïth jenni, na apiite moa no oŋøøk cooŋe.

Aydheea 41:19

Aani wïth jenni ma teeŋi wëëga tuuö dïtëën, ni beege jenni mo perge leth, ki thëëbe, ki jaath man wø nyïïe wel na maaw, ni ö ŋöömma no otal ni wëëga gø tuuö ki jenni mo bëëdö ni mar, mo bøøge moge ba øc piny,

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Dhekaraya 1:10

Kanyøgø ŋata näk cuŋŋö tiet jenni aput løk jïra ni kööe, ni «Jøøgø beege jøøa jääŋ Wuuö Jwøki nee cääthge bäät piny bäre.»

Dhekaraya 1:11

'Ba jøøgø aputge løk jï nyïïatwiel maal mar Wuuö Jwøk na näk cuŋŋö tiet jenni, ni köge, ni «Waani bäät piny acaathwa bäre, ni jootwa gø na adïëri møn ni jiy bëët geno jwöm ni ge ena yi bëët-mëër.»

Dhekaraya 1:7

'Ba kanya tïm nïr dwää apaar kurciel na pïërariiø kurŋween, ni beeye dwääna cwøl ni Cebat, ni poot na ri riet cwiic nyec mo Dariöc, dwør Wuuö Jwøk acäŋ ö bäät nyikuŋ Jwøk ma Dhekaraya wär Berekiya, nyikwaar Idö, ni caan japa joode na ennø nø:

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Jøcua 5:13

'Ba kanya en Jøcua buut Jerikö, wïïe atïŋ maal ni lwïthe; ni joot dhaanhø mør ni cuŋŋö nyïme no opëëllö dagø cere; ni ö Jøcua ni ci baŋe ni kööe jïgø, ni «?Ï ena løøk marwa wala ï ena løø nyïïmän?»

Mana Nyooth 2:1

«'Ba gööt baŋ nyïïatwiel maal mar acooŋ Jwøk mana en Epeca ni kööï, ni «Moi beege luup ŋata näk cer cwïïe da ceer abïriiø, ni wø cäädhi ki dï lambae abïriiø ni wø en bäät tëëde ma warkey karge bïriet.

Mana Nyooth 6:2

Ni nëënna, ni jooda okweeny mo tar, mo bääte da ŋat mo cere da atum. Ni mooi ka aduda, ni cøøe ni ena ŋat dïïm nee nyïïmänne dïïme.

Mana Nyooth 6:4

Ni cäŋ okweenynyi mør ö wøk mo kwaar døc. 'Ba ŋata en bääte omooø ki teek man raany bëët-mëër bäät piny, kiper nee jiy røkge 'näkge. Ni mooi ko opëëllö mo dwøŋ døc.