Dhekaraya 1:6 - Wëël Jwøk

⁶ ?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Dhekaraya 1:6 Iomraidhean Croise

2 Nyeye 15:12

Kanyøgønø, luubö mana caan Wuuö Jwøki jï Jiyu aput thur kare na kööe, ni «Jiy moo käl dëërï, ki mano täge ki wäädï këël mano pïïe ri nyikwaar nyikwaarï, ge pïïa piny bäät wälu mar jø Icriel.»

Jööp 6:29

Ennø, a caana jïïu nee ŋethu wiillu ni bäŋe gïn mo patha kare mo caannu këët. Weyu luupögø nø, kiper bëëtö mara poot bëëdö ni tiir kare.

Aydheea 21:17

ni ö kwään cwøw mo wø këëdi ka athëëre moo bøth ri leny dëët jø Këdar moa teek ni tïmge ni nøk.» Manøgø caana Wuuö Jwøki, eni na Jwø Icriel.

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Aydheea 55:1

Wuuö Jwøk aköö, «Wui, u na no onäk riewi bëët, ööu kuna mäthu ki pïï! Wui, u na jïïu bäŋ gwel bëët, ööu ni lwötu ki caammi ni cämu! Ööu ni källu kwøk nyïïomøki ki caak ni bäŋ gwel mo pëënynyi ki uuni, wala gätge.

Aydheea 55:11

aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 26:15

'Ba ka adïëri møn, ni näk maa you nääö, wär ŋäyu nou käla kwör dhaanhø mo bäŋ gïn mo ee baaø bäätu, u ki dëëtu, ki bäät päänyi en, ki jiy mo wø bëëdö yie. Kiper ka adïëri møn, aana jääŋ Wuuö Jwøki baŋu nee luupi bëët ii caana jïïu nee wïnynyu.»

Jeremaya 28:17

'Ba yi cwiinøgø kiree, kanya tïme na dwää abïriiø, nyikuŋ Jwøk ma Ananiya aput thøø.

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 36:28

ni «Cäŋ kädö ki warakata mør, ni göörï luup piny bëët moa en yi wëëlö mana dïkwøŋ na waaŋ Jeyöakëmmi nyeny Juuda.

Jeremaya 39:16

ni «Ciï ni caanï gø jï Ebet-Melek nyï Ithiöpia ni luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, luup moa caana kiper pääny man 'käla bääte, ni beege gïï mo leth ni patha gïï mo beyø, ni gïïögø, dïcäŋo täkge yie, tägö ni nëënö jïrï.

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 44:2

ni «Luumma caan Wuuö Jwøki, Jwø Icriel, eni na wïth jammi bëët, beeye en: Uuni, gïïa leth bëët na kïtha bäät Jerucalem ki bäät mïëri bëët mo Juuda ajootu, ni dïcäŋi ennø ge bëëdö ni geno ränynyö ni bäŋ jiy mo bëëdö yïthge,

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Jeremaya 44:29

« ‹A na Wuuö Jwøk, a cïpö jïïu ki ŋïï mo nyootha gø nou jääla jäälö kany, nee ŋäyu ni luup moa caana dëëtu kännö ki gïn mo leth bäätu møn.

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 5:14

Kiper manøgønø, mana ŋøl Wuuö Jwøki, eni na wïth jammi bëët, beeye en, ena köö, ni «Kiper mana caange luummögø, ennø, ï na Jeremaya en, luupa moo caanï otïïa ni liel kaamar maac dhiï, ni tïïa jøøi ii kaamar jenni, ni ö maaci ni thöör geni.»

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Edhikiel 20:43

Uuni, wïthu parru parø kaace ki bëëtö maru mana bëëdu ki gø ki japa reyø bëët na raanynyu dëëtu ki ge, ni putu dëëtu jääl ki køør japa reyø bëët na tïïyu.

Edhikiel 37:11

Køøre Wuuö Jwøk acäŋ köö jïra, «Wär dhaanhø, cuu moøgø a päära ge ki jø dhi øt Icriel bëët. Raŋï, gena köö, ni ‹Wa caala cuu mo otal, ni ŋäädhe marwa oränynyö, ni dïïr wïthwa bëët.›

Daniel 4:28

Gïï bëët ii, beege gïïa tägö dëër nyeya ma Nabukedenecör.

Odheea 5:9

'Ba kanyo tïme na dïcäŋ ajäla, Ipariem ränynyö. Aani, a caana gïn ma adïëri yïthakic wïth tuŋi mo Icriel.

Odheea 9:15

'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Amøc 9:10

Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Dhekaraya 1:7

'Ba kanya tïm nïr dwää apaar kurciel na pïërariiø kurŋween, ni beeye dwääna cwøl ni Cebat, ni poot na ri riet cwiic nyec mo Dariöc, dwør Wuuö Jwøk acäŋ ö bäät nyikuŋ Jwøk ma Dhekaraya wär Berekiya, nyikwaar Idö, ni caan japa joode na ennø nø:

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

Kwään Jiy 33:56

Køøre gïna caara ki cwïnya nee tïïa dëëtge owiila ni tïme ni tïïa dëëtu.› »

Mathiew 24:35

Maal ki piny opöödhi, 'ba luupa ba dak.

Tiet Ciik 28:15

«'Ba ni näk mo dwør Wuuö Jwøk na näk Jwøu ba leŋŋu, ni ba gwøgu ciik moe mo köömma uuni ki ge dïcäŋi en, ni ba kïthu ge bäät tïïc, acëënne moi bëët ööa bäätu, ni bëëtge ni ena dëëtu:

Tiet Ciik 28:2

Kiper ni näk mo dwør Wuuö Jwøk na näk Jwøu leŋŋu leŋø, gwïëth moi bëët ööa bäätu, ni bëëtge ni ena dëëtu:

Tiet Ciik 28:20

«Wuuö Jwøk acïëni, ki kier wïc mo päl, ka ajäla, jääŋŋe jääŋŋö bäätu ki bäät tïïe bëët mo wø tïïyu, këël mano ränynyu ni laaru thumö ki køør gïïa reyø noo tïïyu kanyo weyu eni.

Tiet Ciik 28:45

«'Ba acëënne moi ööa bäätu ni cääthge køøru, ni tïmge ni ena dëëtu, këël mano dïïr wïthu bëët, kiper mana käru dwør Wuuö Jwøk na näk Jwøu leŋø, ki man gwøgu ciik moe moa kööm uuni ki ge.

1 Thecalönika 5:4

'Ba nyïïmera, u ba en yi muudhö ki man thäŋ cwïnynyu ki cäŋöce noo caal kuu.