Dhekaraya 1:3 - Wëël Jwøk

³ Kiper manøgønø, a na Wuuö Jwøk na en wïth jammi bëët, a cäänna uuni, ‹Luu nyïmmu baŋa, nee nyïma luua baŋu.› Manøgø caana aani, a na Wuuö Jwøk na en wïth jammi bëët.

Dhekaraya 1:3 Iomraidhean Croise

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

2 Luup Nyeye 15:4

'Ba kany wø täk gïï mo lethi bäätge, nyïmge løøge baŋ Wuuö Jwøk, Jwø Icriel, ni manyge eni, ni jootge gø.

Neemiya 9:28

«'Ba kanya jïtge ki jwöm ennø, gena cäŋ tïïö ki gïï mo nëëni ni reyø nyïmï, ni cïbï geni ceŋ nyïïmän moge, ni bëëtge ni ge ena tietge. 'Ba kanya cäŋge jwöŋö dëërï, marge awïnynyï niï ena maal; køøre ïïni ki køør mëër marï, gena køønynyï ki kwöre mo thööth.

Jööp 22:23

'Ba ni näk mo ïïno duu baŋ Jwøa en teeki jïre, ïïno døø karï. Ni näk japa reyø karge iï tïïö ni bäär ki kar bëëtö marï,

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Edhikiel 18:19

«'Ba ni näk mo u poot pëëö, na ‹?Aperŋø ni tïm nyilaalli na ajäl raay mo wänni kär pïï dëëre en?› beeye kiper mana ö nyilaalli na tïme ni tïïya gïn ma adïëri ki gïn mo thïïŋ, ni bëëdö ni wïïe ee gwøø ki man gwøk luup 'moa bëët. Kiper manøgønø, ka adïëri møn, eni bëëdö ni kwøw.

Edhikiel 18:31

Kälu dëëtu wøk ki yïth japa reyø bëët na tïïyu; tïïyu cwïnynyu ni nyärö, ni tïïyu jwïëyu ni nyärö! ?Aŋø, u na jø Icriel, aperŋø ni manynyu thøø en?

Edhikiel 18:32

Kiper aani yia ba met ki man dee dhaanhø mo thøw dëëtu. Kiper manøgønø, løgu cwïnynyu nou kwøwu.» Luummögø caana Kwäärö Wuuö Jwøki.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Milkiya 3:7

'Ba ki mana täge cøøn ki ri kwäyu, uuno gaa wøk ri ciik 'moa, ni käru geni gwøø. Ennø, duu baŋa; køøre nø, aano duu baŋu. «'Ba uuna köö, ni ‹?Waano duuwa baŋï nidïï?›