Dhekaraya 1:16 - Wëël Jwøk

¹⁶ Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 1:16 Iomraidhean Croise

Jööp 38:5

?Aŋa na tïïc yi lïŋ yi dööŋö mar gø? ?Aŋø, bee ïïni? ?Na aŋa na røm gøøni?

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 34:11

'Ba poge oput dööŋŋe jï olwedhe ki thëëwe, ni tïme na kar bëëtö mar tule ka agääe; ni ö Wuuö Jwøki ni put gø wëëk ränynyö, ni dööŋe na ŋöömö mo bäŋ gïrpiny yie.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Edhikiel 40:3

Køøre eni aana kïth kaagø, ni jïta ki dhaanhø mo dëëre nëëni kaamar nywïënyö ma jwïël. 'Ba ŋatøgø cuŋŋö dhi kal ni cere da thøør røm mo tïïc ka waac lïïna, ka athøra mar røm.

Edhikiel 47:3

'Ba kanya ö ŋatøgø na aa jï løø kur tuul-cäŋ ni käära thøør røm ki cere, ena rummö ki gööye ma kuma bäät ageel naamøgø; køøre aana wëëk ŋøl naam kany mo päŋ mare ena käät-oguudi.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 2:4

ni kööe jï gø, ni «Reŋ baŋ nyenece ni cere da thøør røm ice, ni caanï gø jïre, ni ‹Jerucalem otïmö na pääny mo bäŋ kiir deŋŋe kiper mano tïm jiyi ki lääc paac ni thööth yie døc.

Dhekaraya 2:5

'Ba aani ki dëëra, a na Wuuö Jwøk, aano tïmö kaamar kiir jïre mo bëëdö ni caala maac deŋŋe, ni tïma ni aana ajiem mano en yie.›

Dhekaraya 2:6

«Wui, u na jiya, ööu maal, ni rïŋŋu wøk ki yi ŋöömma en jï løø wï-piny, kiper aani uuna nø keetha yïth tuk piny moa na aŋween kwör wø ö jamø ki yïthge.

Dhekaraya 4:9

ni «Ceŋ mo Dherubabel tier Øt Jwøk man na nø tääe en ki tïïc, oput thöör. Køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»