Dhekaraya 1:15 - Wëël Jwøk

¹⁵ 'Ba aana gootø døc ki wïth juurre moa näk bëëtö marge jööt, kiper kanya bëëda ni aano gootø ki mo thiinh, ge poot bëëdö ni ge meeta tïï gïï mo reyø.›

Dhekaraya 1:15 Iomraidhean Croise

Jööp 30:13

Geni waŋjööra wø dëëtge dëëdö; ni wëëkge aani ränynyö ni bäŋ ŋat mo jooga geni.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Jeremaya 30:16

« ‹'Ba jøw raany uuni bëët di raanynyø, ni ö nyïïmännu bëët ni maai ki tøŋ; ni ö jøw käl japu ki teek ni käl japge thuwø, ni ö jøw twier uuni bëët ni wëëga geni twier.

Jeremaya 50:33

Man beeye luumma caan Wuuö Jwøki, eni na wïth jammi bëët, ena köö, «Jø Icriel ki jø Juuda, gena bëëdö ni geno caarø, ni ge bëëdö ni geno koor jøøa mak geni ki tøŋ, ni kweer jøøgø ki man wecge geni nee aacge.

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Edhikiel 26:2

«Wär Dhaanhø, pääny Tayar aŋeethø bäät Jerucalem ni kööe, ni ‹Dhøk kiir mo wø duny wïth juurre yi Jerucalem ki yïthge atoor piny, ni dööŋge ni ŋaam jïra. Ennø, ena ränynyö, 'ba aani, a kwär nø.›

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Abakuk 3:12

Ki køør räny cwïny marï di piny bäre anyørï; ki køør wëër marï, wïth juurre anyøønï piny.

Dhekaraya 1:11

'Ba jøøgø aputge løk jï nyïïatwiel maal mar Wuuö Jwøk na näk cuŋŋö tiet jenni, ni köge, ni «Waani bäät piny acaathwa bäre, ni jootwa gø na adïëri møn ni jiy bëët geno jwöm ni ge ena yi bëët-mëër.»

Dhekaraya 1:2

Wuuö Jwøk aköö, ni «A na Wuuö Jwøk, aana bëëdö ni aano gootø ki kwäyu.

Dhekaraya 14:12

'Ba ajäl täw mano ö Wuuö Jwøki noo 'näk jiy bëët ki gø moa tïïc leny dëër Jerucalem bee en: Rïŋ dëëtge kwäk ni ge cuŋŋö ki tietge jaak, ni kwäk nyeŋge yïth aguut nyeŋge, ni ö lëëpge ni kwäkge dhøkge.

Dhekaraya 6:8

Køøre nyïïatwiel maal aana cwøle ni kööe, ni «Neenï, jøøa jääŋŋi yïth mïëri moa en wï-piny, cwïny Wuuö Jwøk acïpge piny yi ŋöömö mana en jï løø wï-piny.»