Dhekaraya 1:14 - Wëël Jwøk

¹⁴ Køøre nyïïatwiel maal mana cäänö ki aani aköö jïra, ni «Gøø luubö man piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Aani, aana këëyö døc kiper Jerucalem ki Dhayan.

Dhekaraya 1:14 Iomraidhean Croise

Aydheea 37:32

Kiper da jiy mo dööŋ mo tuula wøk ki yi Jerucalem ki bäät Kïn Dhayan. 'Ba gïnögø otïïc Wuuö Jwøki, eni na wïth jammi bëët, ki køør këëyö mare.»

Aydheea 38:22

'Ba Edhekaya thuwø onø pëëö, na «?Agïnaŋø noo tïmö na nyuudhi ki man näk maa cøøa maal yi Øt Wuuö Jwøk?»

Aydheea 40:1

'Ba Jwøk marø aköö, ni «Cømmu cwïny jiya; cømmu cwïnyge.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 40:6

Dwøl aköö jïra, ni «Gööc piny ki luubö.» Køøre aana köö, na «?A luumma ŋø noo gøøa piny?» Jiy bëët caala luum, na ajiem marge caala wï luum mo oŋøøk yi pwödhö.

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 59:17

Bëënynyö arøø dëëre kaamar kwöt leny, ni ö pïëm man wø piem jiy ki gø ni kïth gø wïïe kaamar cöör; cool kwöri arøø dëëre kaamar abïï, ni rïëp këëyö dëëre kaamar aleeŋŋa.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Jool 2:18

Køøre Wuuö Jwøk gïr ŋöömö mare tïmö ni päl cwïnye, ni päth cwïnye ki gïr jiye;

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Dhekaraya 1:13

'Ba aløk Wuuö Jwøki jï nyïïatwiel maal mana cäänö ki aani, ni løøe ka dwøl mo met ki yi cäänö mar cøm cwïny.

Dhekaraya 1:17

Ni cäŋ köö jïra, ni «Cäŋ luubö man gøø piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Päänye 'moa, yïthge cäŋa päŋŋö ki jap kwär, ni cäŋa cwïny Dhayan cømmø, ni cäŋa Jerucalem jierrø.› »

Dhekaraya 1:9

Køøre aana pëëö, ni «?Kwäärö, moøgø a jøøe?» Ni løgi ya nyïïatwiel maalli jïra mana cäänö ki aani, ni «Aani, tier luubö marge ocaana jïrï.»

Dhekaraya 4:1

Køøre nyïïatwiel maal mana cäänö ki aani aduuö ni jiec aani kaa man wø jiec dhaanhø yïth niine.