Dhekaraya 1:12 - Wëël Jwøk

¹² Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 1:12 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 15:17

Aani, a kär dwätö ki jø wø bëën kwääk jaak, naa kär bëëdö ni yia met kaawat marge; 'ba kiper cerï ena bääta, aani, aana bëëdö a keera, kiper aana tïïyï nee cwïnya ränynye kiper gïïa tïïcge.

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Daniel 12:6

Ni kö acielli jï dhaanhø mo oruyö ka abïï ma lïïna mo ena bäät pïï yi naam, na «?A këël yi wäne noo ö gïïa näk rëëma ec noo ŋuutge?»

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Abakuk 1:2

Wui Wuuö Jwøk, akëël kany mo nyïëdi nø noo cøøra ïïni kiper køny, ni dwøra ba wïnynyï? ?Na akëël kany mo nyïëdi nø, noo jwöŋa dëërï kiper gïï ni leth ii, niï ba kunynyï?

Dhekaraya 1:8

Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»