Dhekaraya 1:11 - Wëël Jwøk

¹¹ 'Ba jøøgø aputge løk jï nyïïatwiel maal mar Wuuö Jwøk na näk cuŋŋö tiet jenni, ni köge, ni «Waani bäät piny acaathwa bäre, ni jootwa gø na adïëri møn ni jiy bëët geno jwöm ni ge ena yi bëët-mëër.»

Dhekaraya 1:11 Iomraidhean Croise

Jööp 1:7

Ni kö Wuuö Jwøki jï Ceethan, ni «?Ï kälï kaa ŋø cøøn?» Køøre aløk Ceethan jï Wuuö Jwøk, ni kööe, na «A käla kuna wïra bäät piny bäre ni jøøya gøøni.»

Aydheea 14:7

Bäät piny bäre ajïtö ki jwöm ni put nikïïl, ni ö jiyi ni kwöŋge ki met ec.

Daniel 10:20

Kanyøgø ena köö, ni «?Gïna ööa baŋï kipere ŋäyï? 'Ba ennø, a døøa kuna këëda ki nyïïatwiel maal man wø koor Parca; 'ba kanyo cøøa, nyïïatwiel maal man wø koor po jø Gïrïïk luunynya öö.

Dhekaraya 1:10

Kanyøgø ŋata näk cuŋŋö tiet jenni aput løk jïra ni kööe, ni «Jøøgø beege jøøa jääŋ Wuuö Jwøki nee cääthge bäät piny bäre.»

Dhekaraya 1:15

'Ba aana gootø døc ki wïth juurre moa näk bëëtö marge jööt, kiper kanya bëëda ni aano gootø ki mo thiinh, ge poot bëëdö ni ge meeta tïï gïï mo reyø.›

Dhekaraya 1:8

Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Dhekaraya 6:7

'Ba okwëënyi moøgø ni teek yøø, kanya tïmge ni ge manynya aa wøk, gena bëëdö ni tietge cäcge cäyö kiper wääth man wïrge bäät piny bäre. Ni kööe jïge, ni «Cou ni wïrru bäät piny bäre!» Køøre gena put cøø ni wïrge gø.

Mathiew 13:41

Kiper Wär Dhaanhø nyïïatwiet maal moe ojääŋŋe, ni dwarge jø wø wëëk raay öö, ki jø wø tïïc raay, ni kwänyge ge wøk ki yi buye,

Mathiew 13:49

Gïnögø beeye teeŋ gïno tägi kanyo tïme na aŋuun piny. Kiper nyïïatwiet maal oööi, ni pääŋge jøøa reyø ki jøøa beyø,

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,