Daniel 9:8 - Wëël Jwøk

⁸ Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.

Daniel 9:8 Iomraidhean Croise

2 Nyeye 21:15

kiper gena bëëdö ni ge tïïya gïï mo nëëni ni reyø ki jïra, ni bëëtge ni ge tïïya aani naa goota ki mana täge ki dïcäŋa ö kwäcge wøk ki Ijep këël dïcäŋi en.»

2 Luup Nyeye 6:37

ni näk mo ge cätö ni løkge cwïnyge yi ŋöömö mana kïth ge yie ni ge mak ka tøŋ, ni kwacge ïïni yi ŋööm jøøa mak geni ki tøŋ, ni köge, ni ‹Waana bääyö, ni nø tïïwa ki gïï mo reyø døc;›

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Jeremaya 14:20

Wui Wuuö Jwøk, rääö marwa ajïëcwa, këël raay moa tïïc wëëkwa, kiper waana bääyö dëërï, wa bëët.

Jeremaya 32:32

kiper gïïa reyø bëët na tïïc jø Icrielli ki jø Juuda ni raanyge cwïnya, ni beeye geni ki nyeye moge, ki jø kööre moge, ki dïlämme moge, ki nyïïkuk Jwøk moge, ki jø wø bëëdö Jerucalem ki dï Juuda bäre.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Wëël Kïmmö 5:16

Aduda apäth piny ki wïthwa. Wui, atïmö ni leth jïwa, kiper raay moa tïïcwa!

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Daniel 9:9

Ï na Kwäärö Wuuö Jwøk, Jwøk marwa, marï beeye mëër ki wëën jiy, këël na bëëtwa ni wa gëëmö ki ïïni,