Daniel 9:7 - Wëël Jwøk

⁷ «Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Daniel 9:7 Iomraidhean Croise

Edhera 9:13

«'Ba gïïa ö bäätwa bëët ö bäätwa kaper gïïa reyø na temwa, ki raay mowa na døøŋŋø. 'Ba ï na Jwøk marwa, gïïa leth na jäälï wa ki ge ba rømi ki gïïa reyø na temwa; 'ba waana gwøgï, ni weyï waani na mo dööŋ ni kwøw kaawat man bëëde en.

Edhera 9:15

Wui Wuuö Jwøk, Jwø Icriel, ïïni, ï beer; kiper waani, waana wec na mo dööŋ ni kwøw, kaawat man bëëde dïcäŋi en. Ennø, raay mowa ena nyïmï; ni bäŋ dhaanhø rewa mo maar cuŋŋö nyïmï ki køør raay mowa.»

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 45:16

Jiy bëët mo wø tïïö ki kït gïï wø lam, wïthge olääy ni tïm nyeŋge ni law. Ni ö geni bëët ni putge aay ni wïthge olääö.

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 32:32

kiper gïïa reyø bëët na tïïc jø Icrielli ki jø Juuda ni raanyge cwïnya, ni beeye geni ki nyeye moge, ki jø kööre moge, ki dïlämme moge, ki nyïïkuk Jwøk moge, ki jø wø bëëdö Jerucalem ki dï Juuda bäre.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Jeremaya 4:17

Ni bëëtge ni Jerucalem ege ciel dïër kaawat man wø koor pwödhö, kiper mana gëëmge ki aani.» Luummögø caana Wuuö Jwøki.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 36:31

Køøre nø, wïthu caarru caarø ki uutjïëthe mou na reyø ki tïïe mou na näk ba beyø, ni männu ki dëëtu keeru kiper raay mou ki japa näk yia raac ki ge na tïïyu.

Edhikiel 5:10

Kiper manøgønø, jøøa nyöödö ko obwöre, obwöre moge ocamge dïërï, ni ö obwöre ni camge jøøa nywøl ge thuwø. Ajäla mo leth okïtha bäätï, ni ö jiyi moï moo dööŋ ni kwøw ni keetha ge yïth tuk piny.»

Edhikiel 6:12

Ŋato en kany mo bäär onäk täwi, ni ö ŋato kare cään ni nääi ko opëëllö, ni ö ŋato dööŋ dï pääny noo ciel dïër ni nägi ya käci. Kanyøgø nø, wëër mara owëëga thöör bäätge.

Daniel 9:14

Kiper manøgønø, ï na Wuuö Jwøk, ï kär dwiil ki man kälï gïna leth bäätwa, kiper ï na Wuuö Jwøk, Jwøk marwa, marï beer ki yïth jammi bëët mo wø tïïyï; 'ba waani dwørï kärwa wïnynyö.

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Daniel 9:8

Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.

Amøc 9:9

«'Ba ennø, aano cïpi ki dwøl, ni jiera jø Icriel moa en dï juurre kaawat man wø pieth beel ki luul, ni bäŋ waŋ aciel mo päth piny.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.