Daniel 9:4 - Wëël Jwøk

⁴ Aana lämö jï Wuuö Jwøk, Jwøk mara, ni køba raay jïre ni kööa, ni «Wui Kwäärö Wuuö Jwøk, ï na Jwøa dwøŋ ni wø lwäärö ki eni, ï ni wø gwøk luumma tuutï, ki mëër man wø ba jøøl, ni tuutï ka jø wø mëër ki ïïni, ni wø gwøk ciik moï,

Daniel 9:4 Iomraidhean Croise

1 Nyeye 8:23

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.

2 Luup Nyeye 7:14

jiya mo wø cwøl ri nyeŋŋa ni näk mo dëëtge dwøkge piny ni mwöl, ni lämge, ni manyge aani, ni wecge jïëdhi moge na reyø, aani döötge wïnynya wïnynyö ki maal, ni wëënna raay moge, ni dwøga paac marge kare.

Edhera 10:1

'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

Neemiya 1:5

Ni kööa, ni «Wui Wuuö Jwøk, Jwø maal, a kwaya ïïni, ï na Jwøa dwøŋ ni wø kwany dëëlli ki eni, ï ni wø gwøk luumma tuutï ki jø wø mëër ki ïïni, ï ni wø nyooth mëër man wø ba jøøl jïge, ge ni wø gwøk ciik moï.

Neemiya 9:32

«'Ba ennø, ï na Jwøk marwa en, ï na Jwøa dwøŋ na teek, ni wø kwany dëëlli nyïme, ni wø gwøk luum mëër mana näk ba jøøl na tuude, gïï ni wø tägi ni leth ii, kär nëënö jïrï kaamar nyi gïn mo thiinh jaak, ni beege gïïa tägö dëëtwa, ki dëët nyeye mowa, ki dïbwöthe mowa, ki dïlämme mowa, ki nyïïkuk Jwøk mowa, ki kwäcwa, ki jiyï bëët, ni beeye ki mana täge ki ri nïr nyeye mo jø Aciria këël dïcäŋi en.

Bwøth Wøk 20:6

'Ba jø wø mëër ki aani ni wø gwøk ciik 'moa, mëëya ni wø ba jøøl nyoodha nyoodhø jïge, këël mano pïïe ri jiy ma kum kum.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Daniel 6:10

'Ba kanya ö Danielli na nø ŋäc gø ni wëël ciik ŋïï onø kïth bääte, ena put bëëtö ni dønynya yi øde mana en maal mana näk dhøk awëërnyeŋŋi moe ojabø jï løøa dïët ki Jerucalem, ni ki dïcäŋ aciel eni lämö ki kwöre adäk ni cøŋŋe ee këël piny, ni eni dwøga met ec jï Jwøk mare, kaawat man wø tïïe dïkwøŋ.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Luk 1:72

nee mëër mare nyoodhe jï kwäyø, ni lääŋŋa luumme na en kur keere na tuude ki geni,

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

Tiet Ciik 5:10

'Ba jø wø mëër ki aani ni wø gwøk ciik 'moa, mëëya ni wø ba jøøl nyoodha nyoodhø jïge këël mano pïïe ri jiy ma kum kum.

Tiet Ciik 7:12

«'Ba gïno tägi, ni näk ciik moi leŋu leŋø, ni gwøgu geni ni kïthu geni bäät tïïc, Wuuö Jwøk na näk Jwøu luumma tuude na kööŋe ki gø jï kwäyu, ki mëëye ni wø ba jøøl, gwøe gwøø kiperu.

Tiet Ciik 7:21

Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?