Daniel 9:27 - Wëël Jwøk

²⁷ 'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Daniel 9:27 Iomraidhean Croise

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:22

'Ba ennø, weyu abuua maru. 'Ba ni näk mo ba weyu, oguudi cäŋ ka methø døc tietu. Kiper Kwäärö Wuuö Jwøk, eni na wïth jammi bëët, da gïn mo yaa wïnynyö baŋe mo ee nø cïp piny, ki man raany piny bäre.

Aydheea 42:6

ni «Aani, a na Wuuö Jwøk, ïïna cwøla ki køør adïëri mara; ï maa maaø ki cerï ni koora ïïni, ni tïïa ïïni ni ïïna ŋato wëëk luumma tuuda ki jiy thur kare, ni ïïna tar kiper wïth juurre,

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Jeremaya 7:30

Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 12:11

«'Ba ki mano täge ki kanyo män olämme yie mo wø cïp cooth, ki kanyo ö gïna näk ec raac ki gø døc na näk gïr ränynyö noo cwödhi piny, thöödhö ki nïne ma kuma ki dïpe ariiø ki pïërabïŋween.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Kwään Jiy 7:62

Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Mathiew 27:51

'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.

Luk 21:20

«'Ba kanyo jootu Jerucalem no ociel jø tøŋŋi, kanyøgønø, wär ŋäyu ni kar ränynye ocäännö.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Wëëlö Mana Göör Pøølli Baŋ Jø Röm 5:15

'Ba muuy mana cïp ba caal luumma dhal. Kiper ni näk jiy mo thööth othøw ki køør luubö mana dhal dhaanhe acielli, a teeŋ met yi Jwøk mo nyïëdi ki muuy mano cïp ki met ec noo pälli jï jiy mo thööth ki ri met yi ŋata näk aciel enøgø na näk Jecu Krictø!

Wëëlö Mana Göör Pøølli Baŋ Jø Röm 5:19

Ni beeye leŋ luubö mar dhaanhø aciel noo tïïc jiy mo thööth ni marge beer, kaawat mana ö bäŋ leŋ luubö mar dhaanhø aciel na tïïc jiy mo thööth na jø raay.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.