Daniel 9:26 - Wëël Jwøk

²⁶ 'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Daniel 9:26 Iomraidhean Croise

2 Camiel 21:5

Kanyøgønø, gena köö jï nyeya, ni «Ŋata many waani nee wa thööre na dïïr wïthwa, nee bäŋe dhaanhø mo dööŋ ni kwøw røkwa dï Icriel,

Aydheea 28:2

Raŋŋu, Kwäärö Wuuö Jwøk jïre da ŋat mo dwøŋ mo teek, mo caala køth mo ree da pey ka atuunna man wø räänyö, mo caala athaga mo teek mar naam mo pänhnhö; eni wï pääny Cameria thiele piny ki cere yïth ŋøøm.

Aydheea 28:22

'Ba ennø, weyu abuua maru. 'Ba ni näk mo ba weyu, oguudi cäŋ ka methø døc tietu. Kiper Kwäärö Wuuö Jwøk, eni na wïth jammi bëët, da gïn mo yaa wïnynyö baŋe mo ee nø cïp piny, ki man raany piny bäre.

Aydheea 53:8

Ena käl ni di caarø ni kïtha baŋ ajäla. 'Ba yi beenhnhø maneca, bäŋ ŋat mo ocädö kiper gïno tägi yi nyïm, kiper ena ŋul wøk yi ŋöömö mana näk mar kwøw, ni jwør gïï mo leth kiper raay mo jø pøø.

Aydheea 8:7

ennø, a na Kwäärö Wuuö Jwøk, pï Naam Upareeti na thööth ni wø kwönni ni teek jääŋŋa jääŋŋö Juuda, ni beeye nyeya mar Aciria ka ajiem mare bäre; ni tïme kaamar pïï mo onithar yïth nyeŋŋi mo Juuda bëët, këël mano mut ageele moge bëët.

Jeremaya 46:7

«?A jøøe ni bwön wøk kaamar pï Naam Ijep ma Nail en, ni ge rïïŋi kaawat man wø rïïŋ pï nämmi mo kwödö ko odhäny?

Jeremaya 51:42

Jø leny öö bäät Babiløn kaamar naam mo kwödö døc, ni macge gø kaamar jwïëö.

Daniel 11:10

«Køøre wääte dëëtge jiiŋge jiiŋŋø kiper leny, ni cooŋge wïth lwaa lenye mo thööth, ni ö dhaanhe acielli dïge ni baap geni kaamar jwïëö ni pöödhe ki leny këël mano pïïe kar gwøk røk mar ŋatøce.

Daniel 11:17

Køøre eni nyïme løøe baŋ man ööe ki lwaa leny mar akwöm nyec mare bäre, ni kuurge dhøkge ki nyeny jï løø Tier-Piny. Ni bëët baŋ gø ki nyey, kiper nee akwöm nyec mar gø jale. 'Ba acaara mana näk ee cïp piny ba thur kare, ni eni ba kønye.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Odheea 1:9

Ni kö Wuuö Jwøki, ni «Cak nyeŋŋe ni Lö-ammi, kiper u paa jiya, naa paa Jwøk maru.»

Amøc 8:8

Ni beeye tiere no tïm pinynyi ni jäŋŋi, ni ö jøøa en yie bëët ni kïmge. Ni tïm dëër paaci bäre ni kwanynyi, ni tïme kaamar naam Ijep ni wø päŋ ni døøe.»

Amøc 9:5

Wuuö Jwøk, eni na wïth jammi bëët, piny di gudö ni put tïmö ni jäŋŋi, ni ö jø wø bëëdö yie bëët ni kïmge; Ni tïm pinynyi bäre ni kwöda maal ni døøa piny, kaamar naam Ijep ni wø päŋ ni døøe.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Mathiew 22:2

ni «Buya käl maal doo päärö ki nyeya mo da cam mo ee jiiŋŋø kiper nywöm mar wääde,

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Mathiew 23:38

'Ba neennu, pou adööŋ jïïu no oränynyö.

Mathiew 24:2

Ni dwøk gø jïge, ni «?Gïïögø bëët ajootu? Adïëri møn a cäänna uuni, otïmö ni bäŋ kïdi aciel kany mo dööŋ bäät watge ni ba leeŋ piny.»

Maak 13:2

'Ba Jecu aköö jïgø, ni «?Uutögø ni døøŋŋø yøø, ajootï? Otïmö ni bäŋ kïdi aciel kany mo dööŋ bäät watge ni ba leeŋ piny.»

Maak 13:7

'Ba kanyo wïnynyu mänye ki waac mänye, kär nou bwøk. Kiper gïïögø kwøŋa tägö, 'ba cuŋŋe poodi.

Maak 9:12

Ni kööe jïge, ni «Ilaaja kwøŋa öö møn, ni dwøga jammi bëët kwörge. ?'Ba agïnaŋø na göör kiper Wär Dhaanhø thuwø? Beeye ni eni gïï mo leth mo thööth dee jwørø ni caanni.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Luk 21:6

'Ba Jecu aköö, ni «Nee per gïïo ni neennu yøø, cääŋŋe oööi, kanyo bäŋe kïdi aciel kany mo dööŋ bäät watge ni ba leeŋ piny.»

Luk 24:26

?Aŋø, paa gïïögø na doo pïï dëër Krictø ki man jwør gïï mo leth, ni ci ya ajieme na enønø?»

Luk 24:46

Ni kööe jïge, «Beeye mana näk ogöörö, ni ‹Krictø gïï mo leth ojwøre, 'ba noo tïme na dää nïne, eno ö maal ki yi thøø,

Jøøn 14:30

'Ba a ba cäänö ki luup mo thööth ki uuni këët, kiper kwäärö mar piny man en öö. 'Ba eni jïre bäŋ teek bääta.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

1 Piter 2:21

'Ba beeye gïnögø na cwøl uuni kipere, kiper Krictø thuwø gïï mo leth ajwøre kiperu, ni nyuth uuni jöö, nee jööre caathu.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.