Daniel 9:25 - Wëël Jwøk

²⁵ «Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Daniel 9:25 Iomraidhean Croise

2 Camiel 15:25

Kanyøgønø, nyeya aköö jï Dhadök, na «Acanduk mar Jwøk dwøk yi pääny. Kanymør Wuuö Jwøk met ec mare nyoodhe nyoodhø jïra, ni cäŋ aani duu kany, ni cäŋ a tïïyö na acanduk mare ki kar bëëtö mare jooda.

Edhera 4:24

'Ba tïïc mar geer Øt Jwøk na en Jerucalem acuŋŋö, ni bëëde no ocuŋŋö këël mana pïïe ri riet cwiiri moa beet Dariöci ni ena nyeya Parca.

Edhera 7:1

'Ba ki køør cwiiri mo thööth, kanya bëët Arthëkcic ni ena nyeny Parca, da dhaanhø mo cwøl ni Edhera, Edhera o Ceraya, Ceraya wär Adhariya, Adhariya o Kilkiya,

Edhera 7:8

Køøre Edhera apïï Jerucalem ri bïï dwäde, kanya tïme na bïriet cwiiri moa beet Arthëkcic ni ena nyeya.

Neemiya 3:1

Kanyøgø Eliyacip na näk Kwääy Lam Mana Dwøŋ ena ö maal ki dïlämme mo wø tïïö ki eni ciel, ni geerge dhi kiir man wø cwøl ni Dhi Kiir Dïëk, ni cïp gø kur keere na mar Jwøk, ni moocge dhi gø ko odhuule. Ni ö geni ni cïpge kiir kur keere na mar Jwøk, ni beeye kiir mana no okëël ri øt koor man wø cwøl ni Dïpa, ki ri Øt Koor Mar Ananel.

Neemiya 4:2

Ni ö eni ni cääne, ni jøøa näk odwätö ki eni ki jø leny mo Cameria nutö buute, ni kööe, ni «?Jø Juuth moø no onø päth bäät upge yøø, ge tïïcge ŋø? ?Aŋø, geni, ge cäŋa kiir marge dwøk kare jïge? ?Aŋø, løny jïge ki man cïpge ko olämme? ?Ni løny jïge ki man thöörge kiir ki dïcäŋ aciel? ?Aŋø, geni, kïte moa gëëdö ki geni moa näk oniruuth na no oraany maaci, løny jïge ki man cäŋge gëëdö ki ge?»

Neemiya 4:8

Ni ö geni bëët ni putge tudö ki luubö nee öge nee këëtge ki jø Jerucalem, ni ge tïïya gø nee Jerucalem bëëde ni yie do okiera.

Neemiya 6:15

'Ba kiir bäre athum ki geer ki nïne ma pïërabïïc kurriiø, ni nïr dwää abïciel ni wø cwøl ni Ëlul pïërariiø ka abïïc.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Aydheea 55:4

Ka adïëri møn, ŋatøgø atïïa na ŋat ŋäc tiet jammi 'moa, ni wø caan gø jï jiy, ni tïïa eni na bwödhi na ŋat kööm jiy.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Daniel 8:11

Eni dëëre atïŋ maal ni døøc dëëre mo dwøŋ ni päär dëëre ki Kwääc lwaa gïïa en maal, ni ö olämme mo wø cïp cooth jï Kwääc lwaa gïïa en maal ni män ge, ni päät kar lam na en kur keere.

Daniel 8:25

'Ba ki jöör riek waŋe, cwøk otïïe ni thur kare jïre; ni døøc dëëre mo dwøŋ ki yi cwïnye, ni kanyo bëët jiyi ni bëëtö marge wøp jaak, wïth jiy mo thööth raanynye raanynyø, ni thïïŋ ree dëër Kwääc kwääri. 'Ba eni petø ni bäŋ cer dhaanhø ree.

Daniel 9:23

Kanya tägï ki lam ennø, da luubö ma aöö, ni beeye mano caana jïrï en, kiper ïïna mëërö ki gø døc. Kiper manøgønø, caar luubö man ni ŋäyï tier gïna nyooth.

Mikiya 5:1

'Ba ennø, u na jø Dhayan, pääŋŋu rou na dhøgi mo leny. Nyïïmän øøna nø cielge dïër. Nyeya mano ŋøl luup jø Icriel agøøcge ki thøra ki thääŋŋe.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 13:23

'Ba mana jør yi ŋöömma beer beeye ŋat wø wïny luum Jwøk ni kwany tier gø, ni jïte ki nyeŋ møn, na aciel käla nyeŋ ma dïpa, ni kän maya ki pïërabïciel, ni maya käla pïëradäk.»

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.

Jøøn 1:41

Ni cøøe ni kwøŋ coki ma Cayman joot, ni kööe jïgø, «Waani Macaaya ajootwa;» na näk tiere beeye Krictø.

Jøøn 4:25

Ni ö dhaage ni kööe jïre, ni «Ŋääa ni Macaaya ni wø cwøl ni Krictø öö. 'Ba noo ööe, jammi bëët onyoodhe jïwa.»

Moa Tïïc Nyïïatwieli 3:15

ni 'nägu ŋat wø cïp kwøw; 'ba ena tïŋ Jwøki maal ki yi thøø. Ni waani, waana lïŋŋe kiper gïnögø.

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Moa Tïïc Nyïïatwieli 8:30

Kanyøgø Pilip areŋ baŋe ni joot ŋatøgø ni kwäänö ki luup nyikuŋ Jwøk ma Aydheea, ni pëëny gø, ni «?Gïïögø ni kwaanï yøø ŋäyï?»

Epeca 5:16

Ni magu rou døc ki man tïïyu gïï mo beyø, kiper nïri ii beege nïne mo raay.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»