Daniel 9:24 - Wëël Jwøk

²⁴ «Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Daniel 9:24 Iomraidhean Croise

2 Luup Nyeye 29:24

Køøre dïlämme nyöök atëëe moøgøøni a'näkge ni kønyge rem moge bäät gïn wø cïp olämme bääte no okïdi kiper raac jø Icriel bëët, kiper ocaan nyeya no olämme mo wø waaŋ bäre ko olämme mo wø cïp kiper wëën raay doo tïïö kiper jø Icriel bëët.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Wëël Kïmmö 4:22

Wui jø Dhayan, ajäl raay mou athum nø; Wuuö Jwøk u ba wëëk bëëtö këët ni uuno maa ki tøŋ. 'Ba u na jø Ëdöm, Wuuö Jwøk u jääle jäälö kiper raay mou, ni wëëk japa reyø na tïïyu nëënne.

Edhikiel 28:12

«Wär dhaanhø, wärï ki duut kïmmö mo cäänö kaper nyeny Tayar, ni kööï jïgø, ni man beeye luumma caan Kwäärö Wuuö Jwøk kiperï, ena köö, «ni ‹Ïïna ŋïï mar bëënynyö mo othur kare, ni wïïï leer døc niï mïërö døc.

Edhikiel 4:5

Aani, bäätï kwäänna kwäännö ki nïne mo caala kwään cwiiri mo raay moge. Ïïno bëëdö ki nïne ma dïpe adäk ki pïërabïŋween niï käära raay mo jø dhi øt Icriel.

Edhikiel 4:6

«'Ba noo thöörï nïne moøgø, wärï cäŋ butö niï buta bäät cwïïï, ni kïthï raay mo jø dhi øt Juuda bäätï. 'Ba aani, bäätï kwäänna kwäännö ki nïne ma pïëraŋween, ni dïcäŋ aciel man nø beeye kar cwiir aciel mo raay moge.

Ciik Kiper Dïlämme 25:8

« ‹'Ba uuni kwör jwöm abïriiø mo yïth cwiiri wär kwäänu wøk, na abïriiø kwöre ma cwiiri abïriiø; køøre tïmö ni da kwör jwöm abïriiø jïïu mo yïth cwiiri, ni beeye kar cwiiri ma pïëraŋween ka abïŋween.

Ciik Kiper Dïlämme 8:15

Køøre Modhe rwaadhøgø aŋaale ni lwør remø, ni lwöte ki lweete ni naaŋ gø dëët tuk gïn wø cïp olämme bääte, ni eni tïïya gïn wø cïp olämme bääte ni waany. Køøre eni remø mana dööŋ akøny tier gïn wø cïp olämme bääte ni mare cïp gø kur keere na mar Jwøk ni tïïe no okïdi kiper gø.

Dhekaraya 4:14

Kanyøgø nø aløøe ni kööe, ni «Gïïögø na ariiø yøø beege jøøa näk wïthge othïïmmö ki maaw ki man tïnyge Wuuö Jwøk, eni na kwääc bäät piny bäre.»

Kwään Jiy 14:34

Ki køør kwään nïne moa liewu ŋøøm ki geni, nïra näk pïëraŋween, ajäl gïïa bayu jwørru jwørø ki cwiiri ma pïëraŋween, ni tïm cwiirri man nø na kar dïcäŋ aciel, ni jootu gootø mara.

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Mathiew 11:13

Kiper nyïïkuk Jwøk bëët ki ciik Jwøk acäänö kiper buya käl maal këël mana ö Jøønni.

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Maak 1:24

Ni ö eni ni put köö ki dwøl mo päl, na «?Agïnaŋø noo tïïyï ki waani, ï na Jecu nyï Nadhareth? ?Ï ööa kuna raanynyï waani? Ï ŋääa, ni ïïna ŋata en kur keere, na näk mar Jwøk.»

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 21:22

Kiper nïrögøøni beege nïro cool kwöri yïthge, kiper nee luup moa näk ogöörö nee thurge karge bëët.

Jøøn 1:41

Ni cøøe ni kwøŋ coki ma Cayman joot, ni kööe jïgø, «Waani Macaaya ajootwa;» na näk tiere beeye Krictø.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Moa Tïïc Nyïïatwieli 3:14

'Ba eni na näk mar Jwøk na en kur keere na mare beer akwierru, ni pëënynyu dïnääy nee cïp jïïu,

Moa Tïïc Nyïïatwieli 3:22

Kiper Modhe aköö, ni ‹Wuuö Jwøk na näk Jwøk maru uuno thïïŋŋe ki nyikuŋ Jwøk røk nyïïmëëgu keda mana thïïŋ aani. 'Ba mare owïnynyu yïth luupo care jïïu bëët.

Moa Tïïc Nyïïatwieli 4:26

Nyec piny dëëtge ege thïïŋö ni ö kwääri ni dwätge kanya ciel ni nywääkge dëër Wuuö Jwøk, ki dhaanhnhe na näk ee jierø.›

Wëëlö Mana Göör Pøølli Baŋ Jø Röm 5:10

Kiper ni näk kanya poodø ni øøna jø män, øøno cäŋ dwøk kanya ciel ki Jwøk ki køør thøw Wääde, ?a kawaane nø, na cäŋø døø kanya ciel, a teeŋ pïëm mo nyïëdi noo piem øøni ki gø ki køør kwøwe?

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Köløcia 1:20

Ni duu jammi bëët baŋe ki køøre, moa en maal ki moa en piny, ni dwøga bëët-mëër kare, ki køør remme na cwïër piny bäät jaadha no odëëdö.

Köløcia 2:14

ni wec luubö mana doo caanø dëëtø, na dee marø ŋøl piny ki køøre. Luummögøøni alwøre, ni guri bäät jaadha no odëëdö.

Ibaru 10:14

'Ba beeye ki køør olämi aciel keere na ö eni na tïïc jøøa näk ocïp kur keerge no othur karge na bäre bäre.

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

Ibaru 9:26

Kiper onää enøgønø, gïïa leth dee jøøyø cøøn, ki kanya täk pinynyi. 'Ba atïmö ni eni ööi ka yie aciel keere ya aŋuun piny man en, ni ba nwøe këët, kiper nee raay wëënne ki køør dëëre na cïbe;

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø: