Daniel 9:2 - Wëël Jwøk

² yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Daniel 9:2 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Jeremaya 1:1

Moi beege luup Jeremaya o Kilkiya, na en røk dïlämme moa bëëdö Anathöth yi ŋööm Benjamen.

Jeremaya 25:18

ni beege jø wø bëëdö Jerucalem ki yïth päänye mo Juuda, ki nyeye moge ki jøøa kwörge døøŋŋø moge, nee putge ränynyö, ni tïmge ni cwïny jiy böö ki gïno tägi dëëtge, na gïr abuua, na gïr acïëni, kaawat man bëëde yïth nïne moi ii.

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Wëël Kïmmö 1:1

Wui, pääny Jerucalem adööŋ keere nø, eni na bëëdö ni yie päŋ ki jiy! Ena dööŋ keere kaamar cï thøø, eni na bëëdö na pääny mo dwøŋŋa eni dï wïth juurre! Eni na bëëdö ni kare dwøŋ dï mïëri, ena tïmö na laŋ tïïc!

Edhikiel 29:11

Bäŋ dhaanhø wala lääy mo ŋutö ki yie. Ni put tïmö ni bäŋ ŋat bëëdö yie ki cwiiri ma pïëraŋween.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.

Moa Tïïc Nyïïatwieli 8:34

'Ba ŋata näk odïnö aköö jï Pilip, ni «Caanï jïra, ?aŋa na cään nyikuŋ Jwøki kipere? ?Cäänö kaper dëëre, wala caana gïr ŋat mør bäre?»

1 Timöthi 4:13

Kwaan wëël Jwøk nyïm jiy bëët, ni køpï luum Jwøk, ni pööï këël mano ööa.

Mana Nyooth 1:3

Gwïëth en jï ŋato kwaan luupi ni køp gïï mo poot ena nyïm en nee wïnye. Ni gwïëth en jï jøw owïny ge, ni gwøkge gïïa näk ogöör yie, kiper kanya wäŋŋi acäännö.