Daniel 9:18 - Wëël Jwøk

¹⁸ Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Daniel 9:18 Iomraidhean Croise

1 Nyeye 8:29

Raŋ Øt Jwøk man ki waŋcäŋ ki wäär, øda kööï ni nyeŋŋï doo wøørø yie, kiper nee lam mara wïnynyï kany wø läma, a na dhaanhnhï, ni nyïma yaa luu Øt Jwøk kany.

2 Nyeye 19:16

Wui, Wuuö Jwøk, cek ïthï, ni wïnynyï lam mara. Wui Wuuö Jwøk, jap nyeŋŋï ni räŋŋï; ni wïnynyï luup Cenakerëp nyeny Aciria, na jääŋ jiy nee ï pääde, ï na Jwøa kwøw.

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 37:17

Wui, Wuuö Jwøk, cek ïthï, ni wïnynyï lam mara. Wui, Wuuö Jwøk, jap nyeŋŋï ni räŋŋï; ni wïnynyï luup bëët mo Cenakerëp nyeny Aciria, na jääŋ jiy nee ï pääde, ï na Jwøa kwøw.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 64:12

Wui Wuuö Jwøk, ?aŋø, ki køør japøge bëët, ï poot bëëdö niï lïŋö niï poot meeta ajäla bäätwa?

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 14:9

?Aperŋø ni bëëdï kaamar dhaanhø mo wïïe ocuŋŋö en? ?Na aperŋø ni bëëdï kaamar oteen leny mo ba løny ki man kunynye en? 'Ba ŋäcwa, ni ï na Wuuö Jwøk, ï poot ena yïthakicwa, ni wa cwøla ri nyeŋŋï; kär wa weyï.

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Jeremaya 25:29

Kiper ennø, aana nø tägö ki man jääŋŋa gïn mo leth bäät pääny mana näk cwøla ri nyeŋŋa. ?A uuni, uuno bøthu nidïï nø nou ba jääla? Uuni, u ba bøth ka ajäla. Kiper mäny 'käla bäät jiy bëët mo wø bëëdö bäät piny.» Luummögø caana Wuuö Jwøki, eni na wïth jammi bëët.›

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 37:20

'Ba ennø Awuuö, ï na nyenynya, beerra man wïnynyï kwac mara, ni ba dwøgï aani yi øt Jönathan, ŋat wø göör luup akwöma piny, kiper naa ba thøøa kaace.»

Edhikiel 36:22

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, ni ‹Wui, u na jø Icriel, gïï noo tïïa ii patha kiper nyeŋŋu, 'ba beeye kiper nyeŋŋa na en kur keere na päätu dï wïth juurre kwöra cou yïthge.

Edhikiel 36:32

'Ba aani, a manynya gø nee ŋäyu ni gïn tïïa en patha kiper nyeŋŋu. Wui, u na jø Icriel, beerra man lää wïthu ni päth cwïnynyu ki bëëtö maru!› Luummögø caana Kwäärö Wuuö Jwøki.

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Kwään Jiy 6:27

«Køøre nyeŋŋa okïthge bäät jø Icriel na enøgønø, ni gwïëdha jø Icriel.»

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.