Daniel 9:15 - Wëël Jwøk

¹⁵ «'Ba ennø, wui ï na Kwäärö Wuuö Jwøk, Jwøk marwa, ï na käl jiyï wøk ki yi ŋööm Ijep ki køør teek badï, ï na tïïc nyeŋŋï nee wïnye kaawat man bëëde dïcäŋi en, waani, waana bääyö, ni tïïcwa gïï mo reyø.

Daniel 9:15 Iomraidhean Croise

1 Nyeye 8:51

kiper gena jiyï ni beege moa näk moï, na kälï wøk ki Ijep na caal këën thäth mo liel.

2 Nyeye 21:15

kiper gena bëëdö ni ge tïïya gïï mo nëëni ni reyø ki jïra, ni bëëtge ni ge tïïya aani naa goota ki mana täge ki dïcäŋa ö kwäcge wøk ki Ijep këël dïcäŋi en.»

2 Luup Nyeye 6:37

ni näk mo ge cätö ni løkge cwïnyge yi ŋöömö mana kïth ge yie ni ge mak ka tøŋ, ni kwacge ïïni yi ŋööm jøøa mak geni ki tøŋ, ni köge, ni ‹Waana bääyö, ni nø tïïwa ki gïï mo reyø døc;›

Neemiya 1:10

«'Ba ennø, jøøgø beege jiyï, ni gena jiy moï na piemï ki køør teek badï na dwøŋ.

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Neemiya 9:10

Ïïna tïïö ki nyuuthe ki gïï mo rëëma ec dëër Peerø ki dëët jiye moa kwörge døøŋŋø bëët, ki dëët jiy bëët moa en yi ŋöömö mare, kiper ïïni, gïna tïïcge ni bëëtge ni ge töödö bäät jiyï ki gø ŋäyï. Ïïni, nyeŋŋï atïïyï nee wïnye kaawat man bëëde dïcäŋi en.

Bwøth Wøk 13:14

«'Ba yi nyïme, kanyo ö wäätu noo pëënyge uuni, ni köge, ni ‹?Gïn tiere aŋøøni?›, u doo köö jïge, ni ‹Wuuö Jwøk øøna käl wøk ki teek mare Ijep na näk po laŋ.

Bwøth Wøk 13:16

'Ba kiper mana ö Wuuö Jwøki na käl øøni wøk Ijep ki teek mare, gïnögø doo bëëdö na nyuudhi kaamar gïn mo you twöö ceŋŋu, ni caala gïn mo ena täärnyïmmu.»

Bwøth Wøk 13:3

Køøre Modhe aköö jï jø Icriel, ni «Lääŋŋu dïcäŋa ööu wøk yie ki Ijep na näk po laŋ; kiper uuna käl Wuuö Jwøki wøk kaagø ki teek mare. Kiper manøgø nø, kär dee møø mo ree da thømmø mo cam dïcäŋögø.

Bwøth Wøk 13:9

Køøre gïnögø doo bëëdö na nyuudhi kaamar gïn mo otwöö ceŋŋu, ni caala gïn mo ena täärnyïmmu, nee ciik Wuuö Jwøk bëëde ni ena dhøgu, kiper mana ö Wuuö Jwøki na käl uuni wøk Ijep ki teek mare.

Bwøth Wøk 14:18

Køøre oput jø Ijepi ŋäc møn ni beeye aani na Wuuö Jwøk, kanyo nyoodha teek mara ki ri Peerø, ki jïëthe moe mo wø tut okwëënyi, ki jø okwëënyi moe bëët.»

Bwøth Wøk 32:11

Kanyøgø Modhe Wuuö Jwøk na näk Jwøe akwaae, ni kööe, ni «Wui, Kwäärö Wuuö Jwøk, ?aperŋø na kööï ni wëër marï jääŋŋï jääŋŋö bäät jiyï na kälï wøk ki yi ŋööm Ijep ki køør teek badï na dwøŋ?

Bwøth Wøk 6:1

Køøre Wuuö Jwøk aköö jï Modhe, ni «Ennø, gïno tïïa dëër Peerø jootï joodø. Peerø jø Icriel wëëge wääth ki køør gïno teek noo tïïa dëëre, ni put geni riem wøk paare ki køør teek manøgø.»

Bwøth Wøk 6:6

«Kiper manøgø nø, ï na Modhe en, caanï jï jø Icriel ni Wuuö Jwøk aköö, ni ‹Beeye aani na Wuuö Jwøk. Uuni uuno käla wøk ki yïth gïïa leth na kïth jø Ijepi bäätu, ni käla uuni wøk ki yi bëët laŋ, ni wïïla uuni wøk thuwø ki køør teek bada ki ŋøl mana dwøŋ noo tïïa.

Bwøth Wøk 9:16

'Ba gïna wiia ïïni kipere niï bëëdï, beeye kiper nee teek mara nyoodha jïrï, nee gïra køp bäät piny bäre.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Jeremaya 14:20

Wui Wuuö Jwøk, rääö marwa ajïëcwa, këël raay moa tïïc wëëkwa, kiper waana bääyö dëërï, wa bëët.

Jeremaya 32:10

'Ba nyeŋŋa agööra yi wëëlö tier luubö mana jïëcwa bääte, ni mwöna gø ni jøøa cwøla nutö, ni cïba gwel bäät rumi ni røma geni.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Luk 15:21

'Ba wäädö aput köö jïgø, na ‹Awuuö, aana bääyö nyïm Jwøk ki nyïmï. A ba rømi ki man cwøl aani ni aana wäädï këët.›

Luk 18:13

«'Ba ŋat ajwäk na cuŋŋö kany mo bäär, këël wïïe käre tïŋ maal, 'ba kööre apwöde ni kööe, ni ‹Jwøk, køny aani na ŋat raay en.›

2 Körin 1:10

Waana käl wøk cer gïn mo raac døc mo doo kännö ki thøø dëëtwa. 'Ba waani, waano cäŋ käl wøk. Ni eni ewa ŋäädhö ni wa poot käle wøk cooth.

Tiet Ciik 5:15

Caar wïïï ki mana bëëdï ni ïïna laŋŋø yi ŋööm Ijep, ni ö Wuuö Jwøki na näk Jwøï ni käl ïïni wøk kaace ki køør teek bade ki teek mare na dwøŋ. Kiper manøgønø, Wuuö Jwøk na näk Jwøï ïïna köömme ki man gwøgï cäŋ jwömö.