Daniel 8:9 - Wëël Jwøk

⁹ 'Ba tuuŋ mo thiinh atuy ki ri tuuŋ aciel røk tuŋi moøgø, ni ö teeki mare ni nyaae ni cäätha jï løø tier-piny, ki jï løø kur tuul-cäŋ ki jï løø ŋøøp wø cwøl ni Mïërö.

Daniel 8:9 Iomraidhean Croise

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Edhikiel 20:15

Ni cäŋa kööŋ thuwø dï paap, nee ge ba kïtha yi ŋöömma cïba jïge, ni beeye ŋöömma näk caak ki maar kïc päl yie, na näk beerra eni døc ki ŋøøm møga bëët.

Edhikiel 20:6

'Ba dïcäŋa kööŋa nyïmge, beeye kiper nee ge käla wøk ki yi ŋööm Ijep nee cige yi ŋöömma jiera kiperge, ni beeye ŋöömma näk caak ki maar kïc päl yie, na näk beerra eni døc ki ŋøøm møga bëët.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Daniel 11:21

«'Ba da dhaanhø mo ojarø mo dëëre di thïïŋö kar gø, na ŋat mo eni tøør ri tuuŋ nyec. Eni öö kany mo kär caarø ni mak nyec ki dhøk mo pøøth.

Daniel 7:8

«'Ba kanya bëëda naa caara gïr tuŋi moøgø døc, ka adïëri møn, tuuŋ mør mo thiinh acäŋ tuyö yïthakic tuŋi møga, ni ö tuŋi adäk røk tuŋi moa dïkwøŋ ni pudhi wøk ki tietge nyïm manøgø, ni tuuŋ manøgø jïre da nyeŋ mo caala nyeŋ dhaanhø, ni jïre da dhøk mo cäänö ki luup dhwöle mo døøŋŋø.

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »